G2 Movie | ‘జీ2’లో అడివి శేష్‌కు జోడీగా ఫస్ట్ ఛాయిస్‌ వామికా కాదట.. ఆఫ‌ర్‌ను రిజెక్ట్ చేసిన హీరోయిన్‌ ఎవరంటే?

G2 Movie | అడివి శేష్‌ స్పై థ్రిల్లర్ ‘జీ2’లో వామికా గబ్బి కీలక పాత్రలో నటిస్తున్న సంగతి తెలిసిందే. ఈ సినిమాతోనే ఆమె టాలీవుడ్‌లోకి మ‌ళ్లీ రీ ఎంట్రీ ఇస్తోంది. వామికా పోషిస్తున్న పాత్రకు తొలుత మాళవిక మోహనన్‌ను చిత్రబృందం సంప్రదించిందట. అప్పటికే మరో స్పై థ్రిల్లర్‌ ‘సర్దార్‌ 2’కు కమిట్‌ కావడంతో మాళవిక ఈ ఆఫర్‌ను తిరస్కరించినట్లు అడివి శేష్‌ వెల్లడించారు. ‘జీ2’.. అడివి శేష్‌ నటించిన సూపర్‌హిట్‌ ‘గూఢచారి’కి నేరుగా సీక్వెల్‌గా తెరకెక్కుతోంది. యాక్షన్‌, స్పై ఎలిమెంట్స్‌తో రూపొందుతున్న ఈ సినిమాపై ఇప్పటికే మంచి అంచనాలు ఉన్నాయి. ఇందులో వామికా గబ్బి పాత్ర కథలో కీలకంగా ఉండనుందని తెలుస్తోంది. టాలీవుడ్‌లో తొలి సినిమాతోనే అడివి శేష్‌తో కలిసి ఆమె స్పై థ్రిల్లర్‌లో కనిపించనుండటంతో ఈ పాత్రపై ఆసక్తి నెలకొంది.

ఇక వామికా గబ్బి ఇటీవల ‘డీసీ’ చిత్రంతో ప్రేక్షకుల ముందుకు వచ్చింది. వైవిధ్యమైన పాత్రలను ఎంచుకుంటూ వస్తున్న ఆమె.. ఈ సినిమాలోనూ తన నటనతో ఆకట్టుకుంది. భావోద్వేగ సన్నివేశాల్లో సహజమైన హావభావాలతో మెప్పించడంతో పాటు, పాత్రకు తగ్గట్టుగా తన పెర్ఫార్మెన్స్‌ను బ్యాలెన్స్‌ చేసింది. దీంతో ‘జీ2’లో ఆమె ఎలాంటి పాత్రలో కనిపించనుందనే ఆసక్తి మరింత పెరిగింది. ప్రస్తుతం ‘జీ2’ షూటింగ్‌ ముగింపు దశకు చేరుకుంది. మిగిలిన చిత్రీకరణతో పాటు నిర్మాణ కార్యక్రమాలను పూర్తి చేసిన తర్వాత విడుదల తేదీని ప్రకటించే అవకాశం ఉంది. ఈ ప్రాజెక్ట్‌పై దర్శకుడు రాహుల్‌ రవీంద్రన్‌ గతంలో ప్రశంసలు కురిపించడంతో సినిమా మరోసారి వార్తల్లో నిలిచింది. అడివి శేష్‌-వామికా గబ్బి కాంబినేషన్‌లో రానున్న ఈ స్పై థ్రిల్లర్‌ కోసం ప్రేక్షకులు ఆసక్తిగా ఎదురుచూస్తున్నారు.