Mamitha Baiju | ఆసుప‌త్రిలో చేరిన హీరోయిన్ మ‌మితా బైజు.. ఆస్ట్రేలియా ప‌ర్య‌ట‌న ర‌ద్దు..

Mamitha Baiju | యంగ్ హీరోయిన్ మమితా బైజు తీవ్ర జ్వరం, ఒళ్లు నొప్పులతో ఆసుపత్రిలో చేరారు. దాంతో ఈ వారం ఆస్ట్రేలియా వెళ్లాల్సిన పర్యటన రద్దయింది. సెప్టెంబరు 5న జరగాల్సిన ‘లెండాక్సిస్ క్లైడ్ ఓనం 2026’ వేడుకలకు మమితా ముఖ్య అతిథిగా హాజరుకావాల్సి ఉంది. ఆమె అనారోగ్యం నేపథ్యంలో కార్యక్రమాన్ని వాయిదా వేస్తున్నట్లు క్లైడ్ మలయాళీ అసోసియేషన్ ప్రకటించింది. మమితా ఆసుపత్రిలో చికిత్స పొందుతున్న విషయాన్ని నిర్వాహకులు సామాజిక మీడియా వేదిక‌గా వెల్లడించారు. ఆమెతో పాటు నిర్వాహకులు ఓ వీడియోను కూడా విడుదల చేశారు. ‘‘ప్రస్తుతం ఆసుపత్రిలో చికిత్స తీసుకుంటున్నా. వైద్యులు పూర్తి విశ్రాంతి తీసుకోవాలని సూచించారు. వీలుంటే తప్పకుండా వచ్చేదాన్ని. కానీ, పరిస్థితుల కారణంగా ప్రయాణాన్ని రద్దు చేసుకోవాల్సి వచ్చింది’’ అని మమితా పేర్కొంది.

ఆస్ట్రేలియాలోని మలయాళీ సమాజాన్ని కలుసుకోవాలన్న తన కోరిక నెరవేరకపోవడంపై మ‌మిత విచారం వ్యక్తం చేసింది. కార్యక్రమానికి హాజరుకావాల్సిన వారందరికీ, నిర్వాహకులకు క్షమాపణలు చెబుతూ.. మరోసారి క్లైడ్‌ కుటుంబాన్ని కలిసే అవకాశం వస్తుందని ఆశిస్తున్నట్లు పేర్కొంది. మమితా బైజు బృందం, కార్యక్రమ వేదిక నిర్వాహకులతో సంప్రదింపులు జరుపుతున్నామని క్లైడ్ మలయాళీ అసోసియేషన్ తెలిపింది. కొత్త తేదీ ఖరారైన వెంటనే ప్రకటిస్తామని వెల్లడించింది. ఇక మమిత సినిమాల విష‌యానికి వ‌స్తే ఇటీవ‌ల ‘బెత్లహెమ్ ఫ్యామిలీ యూనిట్’ రిలీజ్ అయ్యింది. విజ‌య‌వంతంగా థియేట‌ర్ల‌లో ర‌న్ అవుతోంది. అలాగే, సూర్య నటించిన ‘విశ్వనాథ్ అండ్ సన్స్’లోనూ న‌టించింది. రెండు బాక్సాఫీస్ వ‌ద్ద విజ‌యాన్ని అందుకున్నాయి. విశ్వ‌నాథ్ అండ్ స‌న్స్ మూవీ రూ.100కోట్ల‌కుపైగా వ‌సూళ్ల‌ను రాబ‌ట్టింది.

 

View this post on Instagram

 

A post shared by Clyde Malayalee Community Inc (@clyde_malayalee)