Navaratri Brahmotsavam | చిన్నశేష వాహనంపై శ్రీకృష్ణుడిగా శ్రీవారు.. తిరుమలలో బ్రహ్మోత్సవ వైభవం!

01/34

Navaratri Brahmotsavams | తిరుమల శ్రీవారి నవరాత్రి బ్రహ్మోత్సవాల్లో రెండో రోజైన మంగళవారం ఉదయం మలయప్పస్వామివారు ఐదు తలల చిన్నశేష వాహనంపై ద్వారకా శ్రీకృష్ణుడి అలంకారంలో భక్తులకు దివ్యదర్శనమిచ్చారు.

02/34

సర్వాలంకార భూషితుడైన స్వామివారిని దర్శించుకుని భక్తులు భక్తిపారవశ్యంలో మునిగిపోయారు. గజాలు, అశ్వాలు ముందు నడుస్తుండగా.. కోలాటాలు, మంగళవాయిద్యాలు, వివిధ కళాబృందాల ప్రదర్శనల నడుమ వాహనసేవ వైభవంగా సాగింది.

03/34

గోవింద నామస్మరణలతో తిరుమాడ వీధులు మార్మోగాయి. ఆంధ్రప్రదేశ్‌తో పాటు మరో ఎనిమిది రాష్ట్రాలకు చెందిన 17 కళాబృందాల్లోని 489 మంది కళాకారులు సంప్రదాయ జానపద కళారూపాలను ప్రదర్శించి భక్తులను ఆకట్టుకున్నారు.

04/34

ఉత్తరాంధ్ర తప్పెటగుళ్ల నృత్యం, అరకులోయ గిరిజనుల థింసా నృత్యం, తమిళనాడుకు చెందిన కురత్తి నృత్యం ప్రత్యేక ఆకర్షణగా నిలిచాయి. కర్ణాటకలోని ఉడిపి, దక్షిణ కన్నడ ప్రాంతాల కళాకారులు పాటలు, నృత్యాలతో అలరించారు.

05/34

వైష్ణవ సంప్రదాయంలో భగవంతుడిని ‘శేషి’గా, ప్రపంచాన్ని ‘శేషభూతం’గా భావిస్తారు. నాగరాజైన వాసుకిని ప్రతిబింబించే చిన్నశేష వాహనంపై స్వామివారిని దర్శించుకుంటే కుటుంబ శ్రేయస్సు కలుగుతుందని, కుండలినీ యోగసిద్ధి ఫలాలు లభిస్తాయని భక్తుల విశ్వాసం.

06/34

వాహనసేవలో భక్తి, భారతీయ సంస్కృతి, కళావైభవం ప్రతిబింబించాయి. బ్ర‌హ్మోత్స‌వాల్లో భాగంగా మంగ‌ళ‌వారం రాత్రి 7 నుంచి 9 గంటల వరకు మలయప్పస్వామివారు హంస వాహనంపై భక్తులకు దర్శనమివ్వనున్నారు.