Infosys Shares | దూసుకెళ్లిన ఇన్ఫీ.. ఒకే రోజు 5శాతానికిపైగా జంప్‌..!

Infosys Shares | ఐటీ దిగ్గజం ఇన్పోసిస్ షేర్లు శుక్రవారం ట్రేడింగ్లో దూసుకెళ్లాయి. షేర్ల విలువ ఒకేరోజు 5శాతానికిపైగా పెరిగింది. ఇన్ఫోసిస్ ఇటీవల ప్రస్తుత ఆర్థిక సంవత్సరం మూడో త్రైమాసికం ఫలితాల్ని ప్రకటించగా.. ఇక లాభం ఏకీకృత ప్రాతిపకదిన రూ.6654 కోట్లుగా నమోదైంది. ఆదాయ వృద్ధి అంచనా పెరిగిన నేపథ్యంలో షేర్ల విలువ 5శాతానికి పెరిగాయి. బీఎస్ఈలో షేరు 5.27శాతం పెరిగి రూ.1,683.45కి చేరుకుంది. ఎన్ఎస్ఈలో షేరు 5.24 శాతం పెరిగి రూ. 1,683.70కి చేరుకుంది. బీఎస్ఈ సెన్సెక్స్, ఎన్ఎస్ఈ నిఫ్టీలో షేరుకు భారీగా లాభపడడం ఇదే తొలిసారిగా. 30 షేర్ల బీఎస్ఈ సెన్సెక్స్ ఉదయం ట్రేడింగ్లో 635.48 పాయింట్లు పెరిగి 84,018.19 వద్ద ట్రేడవుతోంది. 50 షేర్ల ఎన్ఎస్ఈ నిఫ్టీ 177.50 పాయింట్లు పెరిగి 25,843.10 వద్ద ట్రేడవుతోంది. బెంగళూరు కేంద్రంగా పనిచేస్తున్న ఇన్ఫోసిస్ ప్రస్తుత ఆర్థిక సంవత్సరం మూడో త్రైమాసికంలో కార్యకలాపాల ద్వారా వచ్చే ఆదాయంలో 8.9 శాతం వృద్ధిని సాధించి.. గత ఏడాది ఇదే కాలంలో రూ.41,764 కోట్ల నుంచి రూ.45,479 కోట్లకు చేరుకుందని నివేదించింది. కంపెనీ 2026 ఆర్థిక సంవత్సరానికి ఆదాయ వృద్ధి అంచనాను స్థిర కరెన్సీలో 2-3 శాతం నుంచి 3-3.5 శాతానికి పెంచింది. 2026 ఆర్థిక సంవత్సరం డిసెంబర్ త్రైమాసికంలో ఏకీకృత నికర లాభంలో 2.2 శాతం క్షీణతను రూ.6,654 కోట్లుగా నమోదైంది. అంతకుముందు ఇదే సమయంతో పోలిస్తే లాభం 2 శాతానికిపైగా తగ్గింది. అయితే, ఇక్కడ ఎక్కువగా కొత్త లేబర్ కోడ్స్ నిబంధనలకు అనుగుణంగా గ్రాట్యుటీ, లీవ్ ఎన్క్యాష్మెంట్ నిధులు కేటాయించడంతో లాభం తగ్గిందని పేర్కొంటున్నారు. ఇన్ఫోసిస్ ప్రస్తుత ఆర్థిక సంవత్సరం స్థిర కరెన్సీ రూపేణా ఆదాయ వృద్ధి అంచాలను 3 నుంచి 3.5 శాతానికి పెంచింది. అంతకుముందు ఆదాయ వృద్ధి అంచనా 2-3 శాతంగానే ఉండేది. ఈ క్రమంలో ఇన్ఫి షేర్లు మార్కెట్లో దూసుకెళ్లాయి. ఇన్ఫోసిస్ సీఈఓ సలీల్ పరేఖ్ ఏఐ రంగంలో కంపెనీకి అగ్రగామిగా ఎదగగల సామర్థ్యం ఉందని విశ్వాసం వ్యక్తం చేశారు. తాము ప్రస్తుతం 4,600 ఏఐ ప్రాజెక్టులపై పని చేస్తున్నామన్నారు.