US Grass Cutter Salary | అమెరికాలో గడ్డి కోస్తే రూ.15 లక్షల జీతం, ఆడి కారు సొంతం! నెట్టింట వైరల్ అవుతున్న భారతీయుడి వీడియో.. అసలు నిజమెంత?

• అమెరికాలో గడ్డి కోసే పనులు చేసేవారు నెలకు రూ.10-15 లక్షల వరకు సంపాదిస్తారని అమెరికాలో ఉంటున్న ఈశ్వర్ యాదవ్ అనే భారతీయుడి వీడియో వైరల్
• అక్కడ ఏ పనినీ చిన్నచూపు చూడరని, ప్రతి పనికి మంచి గుర్తింపు, సరైన వేతనం ఉంటాయని ఆ వీడియోలో పేర్కొన్న ఈశ్వర్
• అమెరికాలో ఇలాంటి పనులు చేస్తూ ఆడి (Audi) లాంటి లగ్జరీ కార్లలో తిరుగుతూ మంచి లైఫ్‌స్టైల్ మెయింటైన్ చేయొచ్చని కామెంట్స్
• అయితే, అమెరికాలో జీతాలతో పాటే ఖర్చులు (Cost of living) కూడా భారీగానే ఉంటాయని, గ్రౌండ్ రియాలిటీ వేరుగా ఉంటుందని నెటిజన్ల కౌంటర్

US Grass Cutter Salary | త్రినేత్ర.న్యూస్ : అమెరికా అనగానే అందరికీ గుర్తొచ్చేది సాఫ్ట్‌వేర్ లేదా పెద్దపెద్ద కార్పొరేట్ ఉద్యోగాలు. కానీ, అక్కడ గడ్డి కోసే (Grass cutting) ఓ సాధారణ బ్లూ-కాలర్ జాబ్ చేసే వ్యక్తి సైతం నెలకు రూ.15 లక్షలు సంపాదిస్తూ, ఆడి (Audi) లాంటి లగ్జరీ కారులో తిరుగుతున్నాడన్న వార్త ఇప్పుడు నెట్టింట హాట్ టాపిక్‌గా మారింది. అమెరికాలో స్థిరపడిన ఈశ్వర్ యాదవ్ అనే భారతీయుడు ఇన్‌స్టాగ్రామ్‌ (Instagram) లో షేర్ చేసిన ఓ వీడియో ఇప్పుడు సోషల్ మీడియాలో పెద్ద డిబేట్‌కే దారితీసింది.

అమెరికాలో ఏ పనీ చిన్నది కాదు..

అమెరికాలోని ఓ లాన్ మెయింటెనెన్స్ వర్కర్‌ను (Lawn maintenance worker) కలిసిన ఈశ్వర్ యాదవ్.. అక్కడ ఆ పనులకు ఎంత డిమాండ్ ఉందో తన వీడియోలో వివరించాడు. "అమెరికాలో గడ్డి కోయడం, క్లీనింగ్, మెయింటెనెన్స్ లాంటి పనులకు కూడా చాలా మంచి వేతనాలు ఇస్తారు. ఇక్కడ ఎవరూ ఏ పనినీ చిన్నచూపు చూడరు. వాళ్ల శ్రమకు, స్కిల్స్‌కు తగిన ప్రతిఫలం దక్కుతుంది. గడ్డి కోసే వ్యక్తి కూడా నెలకు రూ.10 నుంచి 15 లక్షల వరకు సంపాదిస్తూ ఎంతో హుందాగా బతుకుతున్నాడు" అని ఈశ్వర్ చెప్పుకొచ్చాడు.

ఆడి కార్లలో తిరగొచ్చు..

అంతేకాకుండా, "ఇక్కడ సిస్టమ్ పనికి ఎంత విలువిస్తుందో అర్థం చేసుకోవాలి. ఇండియా లాగా ఇక్కడ పోలికలు ఉండవు. ఇలాంటి పనులతో ఆడి కారు కూడా సులభంగా కొనుగోలు చేయొచ్చు. ఇదొక పెద్ద వేకెన్సీ.. ఏమీ ఆలోచించకుండా వచ్చేయండి" అంటూ ఆ వీడియోకు క్యాప్షన్ కూడా జతచేశాడు. ప్రస్తుతం ఈ వీడియో ఇంటర్నెట్‌లో విపరీతంగా వైరల్ కావడంతో నెటిజన్ల నుంచి మిక్స్‌డ్ రియాక్షన్స్ వస్తున్నాయి.

గ్రౌండ్ రియాలిటీ వేరు బాస్!

కొందరు ఆ జీతాలు చూసి ఆశ్చర్యపోతుంటే.. మరికొందరు మాత్రం అసలు గ్రౌండ్ రియాలిటీ (Ground reality) ఏంటో వివరిస్తున్నారు. "బ్రదర్.. నువ్వు అక్కడి అవకాశాల గురించి చెప్తున్నావ్ సరే, కానీ ఓ మిడిల్ క్లాస్ వ్యక్తి అమెరికా వెళ్లాలంటేనే రూ.8-10 లక్షలు ఖర్చవుతుంది. రాత్రి పూట భోజనానికే కష్టపడే సామాన్యుడికి అంత డబ్బు తేవడం పెద్ద టాస్క్" అని ఒకరు కామెంట్ చేశారు.

"అక్కడ జీతాలు బాగానే ఉంటాయని చెబుతున్నావ్.. కానీ అక్కడి ఖర్చుల గురించి కూడా మాట్లాడు (Cost of living). ఇండియాతో పోలిస్తే అమెరికాలో ఖర్చులు దాదాపు రెట్టింపు ఉంటాయి కదా.. సంపాదనలో సగం అక్కడే పోతుంది" అని ఇంకొకరు లాజికల్ కౌంటర్ ఇచ్చారు. ఏదేమైనా ఈశ్వర్ యాదవ్ వీడియో మాత్రం ఒక సామాన్యుడికి అమెరికన్ డ్రీమ్‌పై కొత్త ఆశలు రేపుతోంది. రాజస్థాన్‌కు చెందిన ఈశ్వర్ తరచూ అమెరికాలోని ఉద్యోగాలు, జీతాలు, లైఫ్‌స్టైల్‌కు సంబంధించిన విషయాలను తన ఇన్‌స్టాగ్రామ్ పేజీలో పంచుకుంటుంటాడు.

 

View this post on Instagram

 

A post shared by ishvar yadav (@ishuyadav_rj02)