Mumbai Local Train Viral Video | ముంబై లోకల్ ట్రైన్ షాకింగ్ వీడియో: ప్రాణాలు గుప్పెట్లో పెట్టుకుని బయట వేలాడుతున్న మహిళలు

Mumbai Local Train Viral Video | త్రినేత్ర.న్యూస్ : ముంబై నగర జీవననాడి అయిన లోకల్ ట్రైన్స్ (Mumbai local trains) గురించి, వాటి రద్దీ గురించి ప్రత్యేకంగా చెప్పాల్సిన పనిలేదు. అయితే, తాజాగా వెలుగుచూసిన ఓ వీడియో నెటిజన్లను తీవ్ర దిగ్భ్రాంతికి గురిచేస్తోంది. కిక్కిరిసిన రద్దీ కారణంగా కొందరు మహిళలు ప్రాణాలను అరచేతిలో పెట్టుకుని.. వేగంగా వెళ్తున్న ట్రైన్ బయట వేలాడుతూ ప్రయాణించిన దృశ్యాలు ప్రస్తుతం సోషల్ మీడియాలో (Social media) తీవ్ర చర్చనీయాంశంగా మారాయి.

ఒక్కసారి పట్టు తప్పితే..

పల్లవి అనే ఎక్స్ యూజర్ ఈ షాకింగ్ వీడియోను నెట్టింట షేర్ చేశారు. ఈ వీడియోలో, ఒక మహిళ భుజానికి బ్యాక్‌ప్యాక్ తగిలించుకుని కోచ్‌ (Coach) వెలుపల గట్టిగా పట్టుకుని వేలాడుతూ కనిపించింది. రైలు వేగంగా ట్రాక్‌లపై దూసుకెళ్తున్నా ఆమె శరీరం మొత్తం ట్రైన్ బయటే ఉండటం గమనార్హం.

ఆమె పక్కనే కాస్త పైన మరో మహిళ కూడా అలాగే ప్రాణాలకు తెగించి కోచ్‌ను పట్టుకుని ప్రయాణిస్తోంది. పచ్చని చెట్ల మధ్య నుంచి రైలు అత్యంత వేగంగా వెళ్తున్న సమయంలో పక్కనే మరో ట్రాక్ పైనుంచి ఇంకో ట్రైన్ క్రాస్ అవ్వడాన్ని వీడియోలో చూడొచ్చు. ఏమాత్రం పట్టు తప్పినా ప్రాణాలు గాల్లో కలవడం ఖాయం.

'స్పిరిట్ ఆఫ్ ముంబై' కాదు.. ఇది ప్రాణసంకటం

ఈ వీడియో చూసిన నెటిజన్లు తీవ్ర ఆందోళన, ఆగ్రహం వ్యక్తం చేస్తున్నారు. ప్రయాణికుల భద్రతను గాలికి వదిలేశారంటూ రైల్వే అధికారుల తీరుపై మండిపడుతున్నారు. ఇలాంటి ప్రాణాంతక ప్రయాణాలను ఇకనైనా 'స్పిరిట్ ఆఫ్ ముంబై' (Spirit of Mumbai) పేరుతో రొమాంటిసైజ్ చేయడం ఆపాలని పలువురు హితవు పలికారు.

ముంబై రైల్వే వ్యవస్థలో మౌలిక సదుపాయాలు (Infrastructure) మెరుగుపడాల్సిన అవసరం ఎంతైనా ఉందని, ఇలాంటి భయానక పరిస్థితుల్లో ప్రయాణించాల్సిన కర్మ సామాన్యులకు ఎందుకని నెటిజన్లు ప్రశ్నిస్తున్నారు. "ముంబైలో బ్రతకడం అంటే ఇలా ప్రాణాలతో చెలగాటం ఆడటమేనా?" అంటూ ఒక యూజర్ ఆవేదన వ్యక్తం చేయగా, మరొకరు ఈ దృశ్యాలు హృదయ విదారకంగా ఉన్నాయని కామెంట్ చేశారు.

नारी शक्ति को नमन 🙏🏻 pic.twitter.com/YGG6BM8h9M

— pallavi (@pallvika_) August 23, 2026