BJP MLA Parag Shah Beggar | రూ.3,300 కోట్ల ఆస్తులు.. లగ్జరీ కార్లు, సెక్యూరిటీ వదిలేసి ముంబై రోడ్లపై బిచ్చగాడిగా మారిన బీజేపీ ఎమ్మెల్యే

BJP MLA Parag Shah Beggar | త్రినేత్ర.న్యూస్ : వేల కోట్ల రూపాయల ఆస్తులు, అధునాతన కార్ల కాన్వాయ్, చుట్టూ గన్‌మెన్ల భద్రత.. ఇదీ మహారాష్ట్రకు చెందిన బీజేపీ ఎమ్మెల్యే పరాగ్ షా సాధారణ జీవితం. అయితే, వాటన్నింటినీ ఒక్కరోజు పక్కన పెట్టేసి ఆయన ముంబై రోడ్లపై సాధారణ యాచకుడిగా కూర్చున్నారు. ఘాట్‌కోపర్ (ఈస్ట్) నియోజకవర్గానికి ప్రాతినిధ్యం వహిస్తున్న ఆయన గుర్తుపట్టలేని విధంగా మేకప్ వేసుకుని, రోజంతా అపరిచితులను భోజనం, చిల్లర డబ్బులు అడుగుతూ గడిపారు. దీనికి సంబంధించిన వీడియోలు సోషల్ మీడియాలో వైరల్ కావడంతో ఈ విషయం వెలుగులోకి వచ్చింది.

గురువుగారి ఆదేశంతోనే ఈ నిర్ణయం

జైన మత విశ్వాసాలలో పవిత్రంగా భావించే ప్రత్యేక మాసాన్ని పురస్కరించుకుని, తన ఆధ్యాత్మిక గురువు నమ్రముని సూచన మేరకే ఈ ప్రయోగం చేసినట్లు ఎమ్మెల్యే పరాగ్ షా తెలిపారు. తన వ్యక్తిగత భద్రతా సిబ్బందిని, లగ్జరీ వాహనాలను, విలువైన వస్తువులను పక్కనపెట్టి.. ఎవరూ పోల్చుకోలేని మురికి దుస్తులు, మేకప్‌తో ఆయన ఘాట్‌కోపర్ వీధుల్లోకి దిగారు. వీధుల్లో కూర్చుని యాచిస్తూ, ప్రజలు ఇచ్చిన ఆహారాన్ని అక్కడే నేలపై కూర్చుని తిన్నారు.

"డబ్బులు లేవన్నా చిరునవ్వుతో సమోసా ఇచ్చాడు"

సాధారణ యాచకుడిగా మారినప్పుడు ప్రజల ప్రవర్తన ఎలా ఉంటుందో తెలుసుకోవడం తనకు జీవిత పాఠం నేర్పిందని పరాగ్ షా వివరించారు. "మన వద్ద అధికారం, సంపద ఉన్నప్పుడు ఎంతో గౌరవం ఇచ్చే సమాజం.. మనం రోడ్డు మీద చేతులు చాచినప్పుడు ఎలా చూస్తుందో అర్థమైంది. అదే జీవితం నేర్పే కఠిన వాస్తవం" అని ఆయన పేర్కొన్నారు.

ముంబైకర్ల దాతృత్వాన్ని గుర్తుచేసుకుంటూ.. "ఒక వ్యక్తి నా దగ్గరకు వచ్చి ‘తీసుకో బాబా, ఏమైనా తిను’ అంటూ రూ.20 ఇచ్చాడు. ఆ తర్వాత ఓ సమోసా బండి వద్దకు వెళ్లి నా దగ్గర డబ్బులు లేవని చెప్పాను. ఆ చిరు వ్యాపారి మొహంపై ఎలాంటి అసహనం లేకుండా చిరునవ్వుతో సమోసా చేతిలో పెట్టాడు. అట్టడుగున ఉండే పేదవాడికున్న పెద్ద మనసు చూసి ఆశ్చర్యపోయాను" అని ఆయన చెప్పుకొచ్చారు.

రాత్రికి మళ్లీ మామూలు మనిషిగా వచ్చి..

రోజు ముగిసిన తర్వాత మేకప్ తీసేసి, తన సాధారణ రూపంలోకి మారిన పరాగ్ షా.. అంతకుముందు తాను యాచకుడిగా తిరిగిన ప్రాంతాలకే మళ్లీ వెళ్లారు. ఉదయం తనకు సాయం చేసిన వ్యాపారులు, వ్యక్తులను నేరుగా కలిసి మాట్లాడారు. అంతకుముందు తమ ముందు చేయి చాచిన వ్యక్తి వేల కోట్ల ఆస్తిపరుడైన ఎమ్మెల్యే అని తెలిసి స్థానికులు తీవ్ర ఆశ్చర్యానికి గురయ్యారు.

రియల్ ఎస్టేట్ రంగంలో ప్రముఖ వ్యాపారవేత్త అయిన పరాగ్ షా, 2024 మహారాష్ట్ర అసెంబ్లీ ఎన్నికల అఫిడవిట్‌లో రూ.3,383 కోట్లకు పైగా ఆస్తులను ప్రకటించి రాష్ట్రంలోనే అత్యంత ధనిక అభ్యర్థిగా రికార్డు సృష్టించారు. అలాంటి సంపన్నుడు జీవిత పరమార్థం కోసం సామాన్యుడిగా రోడ్డుపైకి రావడం ఇప్పుడు సర్వత్రా చర్చనీయాంశంగా మారింది.

भाजपा विधायक प्राग शाह भिखारी के रूप में सड़क किनारे बैठे और लोगों के बीच घूमते नजर आए ,,,

वीडियो में मुंबई के घाटकोपर पूर्व विधानसभा क्षेत्र के विधायक पराग शाह भिखारी के वेश में देखकर हर कोई हैरान रह गया कि आखिर करोड़ों की संपत्ति वाले विधायक ने भिखारी का रूप क्यों धारण किया?… pic.twitter.com/gFNX9nPKmx

— TANVIR RANGREZ (@virjust18) September 14, 2026

🙏 पवित्र पर्युषण पर्व पर एक प्रेरणादायी अनुभव 🙏

परम पूज्य राष्ट्रसंत श्री नम्रमुनि महाराज साहेब ने अपने प्रवचन में समाज के जरूरतमंद लोगों के प्रति संवेदनशीलता, करुणा और मानवता का संदेश दिया।

गुरुदेव की आज्ञा का पालन करते हुए वेशभूषा बदलकर घाटकोपर रेलवे स्टेशन परिसर में आम… pic.twitter.com/mFL2cWWfne

— Parag Shah (@ParagShahBJP) September 14, 2026