TOMCOM Dubai Jobs | దుబాయ్‌లో ఉద్యోగాలు: నెలకు రూ.44 వేల వరకు జీతం.. అక్టోబర్ 4న ఇంటర్వ్యూలు.. తెలంగాణ వాళ్లకే అవకాశం

TOMCOM Dubai Jobs | త్రినేత్ర న్యూస్ : గల్ఫ్ దేశాల్లో నమ్మకమైన, సురక్షితమైన ఉద్యోగాల కోసం చూస్తున్న తెలంగాణ నిరుద్యోగ యువతకు శుభవార్త. తెలంగాణ ప్రభుత్వ సంస్థ "తెలంగాణ ఓవర్‌సీస్ మ్యాన్‌పవర్ కంపెనీ లిమిటెడ్" (TOMCOM).. యునైటెడ్ అరబ్ ఎమిరేట్స్ (UAE - దుబాయ్)లో పలు విభాగాల్లో పని చేసేందుకు అర్హులైన సాంకేతిక నిపుణుల నుంచి దరఖాస్తులను ఆహ్వానిస్తోంది. ఎలాంటి దళారుల ప్రమేయం లేకుండా ప్రభుత్వ మార్గదర్శకాల ద్వారా ఈ నియామకాలు చేపడుతున్నారు.

ఈ ఉద్యోగాలకు సంబంధించిన ముఖాముఖి (Interviews) అక్టోబర్ 4న జరగనున్నాయి. 20 నుంచి 40 ఏళ్ల మధ్య వయస్సు ఉన్న అభ్యర్థులు వీటికి దరఖాస్తు చేసుకోవడానికి అర్హులు. అభ్యర్థి అనుభవాన్ని బట్టి వేతనాలు ఖరారవుతాయి.

ట్రేడుల వారీగా జీతాల వివరాలు (ఓవర్‌టైమ్‌తో కలిపి)

మిగ్ & టిగ్ వెల్డర్ (MIG & TIG Welder): AED 1,512 – 1,712 (సుమారు రూ.39,300 – రూ.44,500)

అల్యూమినియం ఫ్యాబ్రికేటర్ (Aluminum Fabricator): AED 1,512 – 1,712 (సుమారు రూ.39,300 – రూ.44,500)

ఇండస్ట్రియల్ ఎలక్ట్రీషియన్ (Industrial Electrician): AED 1,360 – 1,610 (సుమారు రూ.35,300 – రూ.41,800)

ప్లంబర్ (Plumber): AED 1,360 – 1,560 (సుమారు రూ.35,300 – రూ.40,600)

డక్ట్‌మ్యాన్ (Ductman): AED 1,360 – 1,460 (సుమారు రూ.35,200 – రూ.37,800)

ఆల్‌రౌండ్ మేసన్, టైల్ మేసన్, ప్లాస్టర్ మేసన్, స్టీల్ ఫిక్సర్: AED 1,360 – 1,560 (సుమారు రూ.35,300 – రూ.40,600)

షట్టరింగ్ కార్పెంటర్ & ఫినిషింగ్ కార్పెంటర్: AED 1,412 – 1,662 (సుమారు రూ.36,700 – రూ.43,200)

మెకానికల్ & జనరల్ హెల్పర్: AED 1,158 – 1,208 (సుమారు రూ.30,100 – రూ.31,400)

కంపెనీ అందించే ప్రయోజనాలు, నిబంధనలు

ఎంపికైన అభ్యర్థులకు కంపెనీ తరఫున వసతి (Accommodation), కిచెన్ ఫెసిలిటీ, పని ప్రదేశానికి ఉచిత రవాణా (Transportation) కల్పించనున్నారు. పని గంటలు రోజుకు 10 గంటలు ఉండగా, అదనంగా 2 గంటల ఓవర్‌టైమ్ (OT) ఉంటుంది. అయితే ప్రయాణానికి సంబంధించిన విమాన టికెట్ (Flight Ticket) మాత్రం అభ్యర్థులే సమకూర్చుకోవాల్సి ఉంటుందని స్పష్టం చేశారు.

దరఖాస్తు చేసుకోవడం ఎలా?

ఆసక్తి గల అభ్యర్థులు మరిన్ని వివరాల కోసం హైదరాబాద్ మల్లేపల్లి ఐటీఐ ప్రాంగణంలోని టామ్‌కామ్ (TOMCOM) కార్యాలయాన్ని సంప్రదించవచ్చు. ఫోన్ నంబర్లు 08035524946, 040-2334 2040లకు మిస్డ్ కాల్ ఇవ్వడం లేదా నేరుగా మాట్లాడటం ద్వారా రిజిస్ట్రేషన్ వివరాలు తెలుసుకోవచ్చు. లేదంటే https://docs.google.com/forms/d/e/1FAIpQLSecj4BB82Tk3NswX2fCz7HR2d2_4FHe-WTte41RTThwMH0IOQ/viewform?pli=1 ఈ లింక్ క్లిక్ చేసి ఫామ్ నింపితే ఇంటర్వ్యూకు సంబంధించిన అన్ని వివరాలను పంపిస్తారు. పూర్తి సమాచారం కోసం అధికారిక వెబ్‌సైట్ tomcom.telangana.gov.in ను కూడా సందర్శించవచ్చు.