Rain Alert | తెలంగాణ‌లో మూడు రోజుల పాటు భారీ వ‌ర్షాలు..!

Rain Alert | త్రినేత్ర‌.న్యూస్ : రాష్ట్రంలో నైరుతి రుతుప‌వ‌నాలు చురుకుగా క‌దులుతున్నాయి. రానున్న 24 గంట‌ల్లో తెలంగాణ అంత‌టా నైరుతి రుతుప‌వ‌నాలు విస్త‌రించే అవ‌కాశం ఉంద‌ని హైద‌రాబాద్ వాతావ‌ర‌ణ శాఖ వెల్ల‌డించింది. అంతేకాకుండా రాయ‌ల‌సీమ‌, త‌మిళ‌నాడు మీదుగా తెలంగాణ నుంచి మ‌న్నార్ వ‌ర‌కు ద్రోణి కొన‌సాగుతోంది. ఈ క్ర‌మంలో తెలంగాణ‌లో నేటి నుంచి మూడు రోజుల పాటు అంటే జూన్ 25 వ‌ర‌కు భారీ వ‌ర్షాలు కురిసే అవ‌కాశం ఉంద‌ని వాతావ‌ర‌ణ కేంద్రం పేర్కొంది.

నేడు ఈ జిల్లాల్లో భారీ వ‌ర్షాలు..

మంగళవారం జగిత్యాల, రాజన్న సిరిసిల్ల, మెదక్, కామారెడ్డి జిల్లాల్లో భారీ వర్షాలు కురిసే అవకాశాలు ఉన్నాయి. మిగ‌తా జిల్లాల్లో తేలికపాటి నుంచి మోస్త‌రు వ‌ర్షాలు కురిసే అవ‌కాశం ఉంది.

బుధ‌వారం..

బుధ‌వారం ఆదిలాబాద్, ఆసిఫాబాద్, మంచిర్యాల, నిర్మల్, నిజామాబాద్, మెదక్, కామారెడ్డి జిల్లాల్లో కురవనున్నాయి.

గురువారం

గురువారం ఈ జిల్లాలతోపాటు పెద్దపల్లి, వరంగల్, మహబూబాబాద్, హనుమకొండ జిల్లాల్లో కురుస్తాయని వాతావరణశాఖ తెలిపింది.