Minister Jupalli | స్పీకర్‌పై అనుచిత వ్యాఖ్యలు సరికాదు : మంత్రి జూప‌ల్లి

Minister Jupalli | రాజ్యాంగబద్ధ పదవుల్లో ఉన్నవారిపై అనుచిత భాషను ఉపయోగించడం సరికాదని మంత్రి జూపల్లి కృష్ణారావు అన్నారు. శాసనసభ స్పీకర్‌పై ఎమ్మెల్సీ తాతా మధు చేసిన వ్యాఖ్యలను ఆయన తీవ్రంగా ఖండించారు. స్పీకర్ పదవికి ఉన్న గౌరవాన్ని ప్రతి ఒక్కరూ కాపాడాల్సిన బాధ్యత ఉందని పేర్కొన్నారు. రాజకీయంగా విభేదాలు ఉన్నప్పటికీ రాజ్యాంగబద్ధ పదవుల్లో ఉన్నవారిని గౌరవించాల్సిందేనని మంత్రి స్పష్టం చేశారు. రాజ్యాంగ పదవుల గౌరవాన్ని దెబ్బతీసేలా వ్యాఖ్యలు చేయడం బాధ్యతారాహిత్యమని అన్నారు. ప్రజాస్వామ్య విలువలు, రాజ్యాంగ స్ఫూర్తిని ప్రతి ఒక్కరూ గౌరవించాలని జూపల్లి కృష్ణారావు సూచించారు. రాజ్యాంగబద్ధ వ్యవస్థలపై ప్రజలకు విశ్వాసం ఉండాలంటే ఆయా పదవుల గౌరవాన్ని కాపాడటం అత్యంత కీలకమని మంత్రి పేర్కొన్నారు. రాజకీయ విమర్శలకు ఒక పరిమితి ఉండాలని, వ్యక్తిగత వ్యాఖ్యలతో రాజ్యాంగ పదవుల ప్రతిష్ట‌ను దెబ్బతీయడం సరికాదని తెలిపారు