Indian Railways | ఆ మూడు ప్ర‌త్యేక రైళ్లు.. ఇక సాధార‌ణ రైళ్లు..

Indian Railways | త్రినేత్ర‌.న్యూస్ : ప్ర‌యాణికుల ర‌ద్దీని దృష్టిలో ఉంచుకుని ఇండియ‌న్ రైల్వేస్( Indian Railways ) కీల‌క నిర్ణ‌యం తీసుకుంది. మూడు ప్ర‌త్యేక రైళ్ల‌ను సాధార‌ణ రైళ్లుగా మార్చుతూ నిర్ణ‌యం తీసుకుంది. ఈ మూడు కూడా హైద‌రాబాద్( Hyderabad ) నుంచి రాక‌పోక‌లు సాగిస్తున్నాయి.

కాచిగూడ - మ‌ధురై స్పెష‌ల్‌(07191/07192) ను కాచిగూడ - ట్యూటికోరిన్ ఎక్స్‌ప్రెస్‌(17165/17166) గా మార్చారు. ఈ రైలు ప్ర‌తి సోమ‌వారం కాచిగూడ‌లో మ‌ధ్యాహ్నం 3 గంట‌ల‌కు బ‌య‌ల్దేరి, మంగ‌ళ‌వారం రాత్రికి ట్యుటికోరిన్‌కు చేరుకోనుంది. మ‌ళ్లీ బుధ‌వారం ఉద‌యం కాచిగూడ‌కు బయ‌ల్దేర‌నుంది.

అదే విధంగా హైద‌రాబాద్ - క‌న్యాకుమారి స్పెష‌ల్‌ (07230/07229) ను హైద‌రాబాద్ - క‌న్యాకుమారి ఎక్స్‌ప్రెస్‌ (17069/17070) గా మార్చిన‌ట్లు ఇండియ‌న్ రైల్వేస్ ప్ర‌క‌టించింది. వారానికోసారి రెండు సిటీల మ‌ధ్య రాక‌పోక‌లు కొనసాగించ‌నుంది.

చ‌ర్ల‌పల్లి - షాలిమార్ స్పెషల్‌ (07225/07226) ను చ‌ర్ల‌ప‌ల్లి - షాలిమార్ అమృత్ భార‌త్ ఎక్స్‌ప్రెస్‌(17065/17066) గా మార్చారు. ప్ర‌తి మంగ‌ళ‌వారం ఉద‌యం చ‌ర్ల‌ప‌ల్లి నుంచి బ‌య‌ల్దేరి బుధ‌వారం షాలిమార్ చేరుకోనుంది.

2014 నుంచి ఇప్ప‌టి వ‌ర‌కు ఇండియ‌న్ రైల్వేస్ 91 కొత్త రైలు స‌ర్వీసుల‌ను హైద‌రాబాద్ కేంద్రంగా న‌డుపుతోంది. హైద‌రాబాద్, సికింద్రాబాద్, కాచిగూడ‌, చ‌ర్ల‌ప‌ల్లి నుంచి రాక‌పోక‌లు సాగిస్తున్నాయి.