Heat Wave | మార్చి 2 నుంచి దంచికొట్ట‌నున్న ఎండ‌లు.. జ‌ర జాగ్ర‌త్త‌..!

Heat Wave | త్రినేత్ర‌.న్యూస్ : తెలంగాణ రాష్ట్ర వ్యాప్తంగా గ‌త రెండు రోజుల నుంచి వాతావ‌రణ ప‌రిస్థితులు పూర్తిగా మారిపోయాయి. ప‌లు చోట్ల ఈదురుగాలుల‌తో కూడిన వ‌ర్షం కురిసింది. దీంతో చ‌ల్ల‌ని గాలులు వీస్తున్నాయి. ఉక్క‌పోత‌కు ఉప‌శ‌మ‌నం క‌లిగిన‌ట్లు అయింది.

అయితే మార్చి 2వ తేదీ నుంచి ఎండ‌లు దంచికొట్టే అవ‌కాశం ఉంద‌ని తెలంగాణ వెద‌ర్ మ్యాన్ బాలాజీ ఎక్స్ వేదిక‌గా హెచ్చ‌రించారు. హైద‌రాబాద్ న‌గ‌రంలో ప‌గ‌టి ఉష్ణోగ్ర‌త‌లు 37 డిగ్రీల సెల్సియ‌స్‌కు పైగా న‌మోదు అయ్యే అవ‌కాశం ఉంద‌ని తెలిపారు. ఉత్త‌ర‌, ద‌క్షిణ తెలంగాణ‌లోని ప‌లు ప్రాంతాల్లో 40 డిగ్రీల సెల్సియ‌స్‌కు పైగా ఉష్ణోగ్ర‌త‌లు న‌మోదయ్యే అవ‌కాశం ఉంద‌న్నారు. ఈ నేప‌థ్యంలో వృద్ధులు, చిన్నారులు అప్ర‌మ‌త్తంగా ఉండాల‌ని ఆరోగ్య నిపుణులు సూచిస్తున్నారు.