లోడ్ అవుతోంది...
Pradeep Manthri
Telangana | Jan 13, 2026, 4.33 pm IST
Municipal Elections | తెలంగాణలో త్వరలోనే మున్సిపల్ ఎన్నికలు జరుగనున్నాయి. ఈ మేరకు రాష్ట్ర ఎన్నికల కమిషన్ చకాచక ఏర్పాట్లు చేస్తున్నది. ఈ క్రమంలో ఎన్నికల కోసం తుది ఓటరు జాబితాను విడుదల చేసింది. ఇప్పటికే కార్పొరేషన్లు, మున్సిపాలిటీల్లో ఓటర్ల నమోదు కార్యక్రమం నిర్వహించిన విషయం తెలిసిందే. రాష్ట్రవ్యాప్తంగా మున్సిపాలిటీల పరిధిలో మొత్తం 52,43,023 మంది ఓటర్లు ఉన్నట్లుగా ఎన్నికల కమిషన్ తెలిపింది. ఇందులో పురుష ఓటర్లు 25,62,639 మంది, మహిళా ఓటర్లు 26,80,014 మంది ఉన్నారని.. 640 మంది ట్రాన్స్జెండర్స్ ఉన్నట్లుగా వివరించింది. ఈసీ విడుదల చేసిన జాబితాలో ఓటర్ల పరంగా అత్యధికంగా నిజామాబాద్ కార్పొరేషన్ పరిధిలో అత్యధికంగా 3,48, 051 మంది ఓటర్లు ఉన్నారు. కరీంనగర్ మున్సిపల్ కార్పొరేషన్లో 3,40,580 మంది ఓటర్లు ఉన్నట్లు పేర్కొంది. అత్యల్పంగా కొత్తగూడెం కార్పొరేషన్లో 1,34,775 మంది ఓటర్లు ఉన్నారు. ఇక మున్సిపాలిటీల్లో అత్యధిక ఓటర్లు సూర్యాపేట జిల్లాలో ఉన్నారు. ఇక్కడ 1,08,848 మంది ఓటర్లు ఉన్నారు. ఇందులో 56,664 మంది మహిళా ఓటర్లే ఉన్నారు. అత్యల్ప ఓటర్లు ఉన్న మున్సిపల్గా అమరచింఅమరచింత మున్సిపల్ నిలిచింది. ఇక్కడ కేవలం 9,147 ఓట్లు మాత్రమే ఉన్నాయి. ఇదిలా ఉండగా.. బల్దియా ఎన్నికలకు ఈసీ సర్వం సిద్ధం చేస్తున్నది. ఈ క్రమంలోనే ఓటర్ల జాబితాను ప్రకటించింది. త్వరలోనే రిజర్వేషన్లను ఖరారు చేసి నోటిఫికేషన్ ఇచ్చే అవకాశం ఉంది. జనాభా ప్రాతిపదికన వార్డులు, డివిజన్లు, ఆయా మున్సిపాలిటీలు, కార్పొరేషన్ల వారీగా రిజర్వేషన్లను అధికారులు పూర్తి చేయనున్నారు. రాష్ట్రవ్యాప్తంగా 117 మున్సిపాలిటీలు, ఆరు కార్పోరేషన్లలో ఎన్నికలు జరుగనున్నాయి. రాష్ట్రవ్యాప్తంగా ఉన్న మున్సిపాలిటీలు, కార్పోరేషన్ల పదవీకాలం గతేడాది జనవరిలో ముగిసిన విషయం తెలిసిందే. ఆ తర్వాత ప్రభుత్వం ప్రత్యేక అధికారులను నియమించింది.
తుది ఓటరు జాబితా
Developed & Published by TRINETHRA MEDIA HOUSE PVT. LTD,
Sai Madhu Towers, Plot No. 17, Rohini Layout Rd, Jaihind Enclave, Madhapur, Hyderabad, Telangana 500081.
Copyright © 2025 . All rights reserved. - Powered by : Veegam