KTR | ఈ ప్ర‌భుత్వానికి ఎందుకు ధ‌న్య‌వాదాలు చెప్పాలి..? ఎవ‌రు చెప్పాలి..? : కేటీఆర్

KTR | త్రినేత్ర‌.న్యూస్ : గ‌వ‌ర్న‌ర్ ప్ర‌సంగానికి ధ‌న్య‌వాద తీర్మానం ప్ర‌వేశ‌పెట్టిన నేప‌థ్యంలో ఈ ప్ర‌భుత్వానికి ఎందుకు ధ‌న్య‌వాదాలు చెప్పాలి..? ఎవ‌రు చెప్పాలి..? అని బీఆర్ఎస్ ఎమ్మెల్యే కేటీఆర్ నిల‌దీశారు. శాస‌న‌స‌భ‌లో కేటీఆర్ మాట్లాడారు.

కాళోజీ నారాయ‌ణ రావు నా గొడ‌వ కాదు.. నీ గొడ‌వ‌రా అన్న‌డు.. నేను అడిగేది నా ప్ర‌శ్న‌లు కాదు.. రాష్ట్ర ప్ర‌జ‌ల త‌ర‌పున అడుగుతున్నాం. జార్జ్ అర్విల్ అని ఒక పెద్దాయ‌న ఉన్నాడు. ఆయ‌న కోట్ ఏంటంటే.. In a time of deceit, telling the truth is a revolutionary act.. అంటే మోసాల కాలంలో నిజం చెప్ప‌డ‌మే అతి గొప్ప విప్ల‌వం అన్న‌డు. ఇవాళ ఆ ప‌రిస్థితి వ‌చ్చింది రాష్ట్రంలో. ఎందుకంటే మీరు ధ‌న్య‌వాద తీర్మానం పెట్టారు. ఈ ప్ర‌భుత్వానికి ఎందుకు ధ‌న్య‌వాదాలు చెప్పాలి.. ఎవ‌రు చెప్పాల‌ని ఆలోచించమ‌ని కోరుతున్నాను. వంద రోజుల త‌ర్వాత ప్ర‌తి గ్యారెంటీని అమ‌లు చేసే బాధ్య‌త మాది అని భ‌ట్టి విక్ర‌మార్క చెప్పారు. మ‌రి ఎక్క‌డ అమ‌ల‌వుతున్నాయి..? అని కేటీఆర్ నిల‌దీశారు.

4 వేల పెన్ష‌న్ కోసం ఎదురుచూసి విసిగిపోయిన 46 ల‌క్ష‌ల మంది ధ‌న్య‌వాదాలు చెప్పాలా..? లేదా 6 వేల పెన్ష‌న్ కోసం అల‌సిపోయిన 5 ల‌క్ష‌ల మంది దివ్యాంగులు ధ‌న్య‌వాదాలు చెప్పాలా..? యూరియా బ‌స్తాల కోసం లాఠీ దెబ్బ‌లు తింటున్న 72 లక్ష‌ల మంది రైతులు ధ‌న్య‌వాదాలు చెప్పాలా..? నాలుగు వేల నిరుద్యోగ భృతి అన్నారు. మొద‌టి సంవ‌త్స‌రంలోనే 2 ల‌క్ష‌ల ఉద్యోగాలు అన్నారు. మ‌రి ఆ నిరుద్యోగ సోద‌రులు ధ‌న్య‌వాదాలు చెప్పాలా..? డీఏలు రాక‌, పీఆర్సీ లేక బెనిఫిట్స్ అంద‌క న‌ర‌క‌యాత‌న ప‌డుతున్న ప‌ది ల‌క్ష‌ల మంది ఉద్యోగులు, పెన్ష‌న్‌దారులు, ఔట్ సోర్సింగ్ వ‌ర్క‌ర్లు ధ‌న్య‌వాదాలు చెప్పాలా..? విషాహారంతో చ‌స్తూ పురుగుల అన్నం తింటున్న ల‌క్ష‌లాది మంది విద్యార్థులు చెప్పాలా..? అని కేటీఆర్ నిల‌దీశారు.