El Nino | ఎల్‌నినోపై రేపు అఖిలపక్ష సమావేశం

El Nino | త్రినేత్ర న్యూస్ : తెలంగాణ‌లో నెల‌కొన్న క‌రువు( Drought ) ప‌రిస్థితులు, ఎల్ నినో( El Nino )పై బుధ‌వారం ప్ర‌భుత్వం అఖిల‌ప‌క్ష స‌మావేశం నిర్వ‌హించ‌నుంది. డిప్యూటీ సీఎం భ‌ట్టి విక్ర‌మార్క( Bhatti Vikramarka ) అధ్య‌క్ష‌త‌న స‌చివాల‌యంలో మ‌ధ్యాహ్నం 2.30 గంట‌ల‌కు ఈ స‌మావేశం జ‌ర‌గ‌నుంది. క‌రువును ఎదుర్కొనేందుకు ఆయా రాజ‌కీయ పార్టీల నుంచి స‌ల‌హాలు, సూచ‌న‌లు స్వీక‌రించ‌నున్నారు.

ఎల్‌నినో ప్రభావం, రాష్ట్రంలో వర్షపాతం లోటు, కరువు పరిస్థితులపై ప్ర‌ధానంగా చర్చించే అవ‌కాశాలున్నాయి. తాగునీటి సరఫరా, నీటి వనరుల పరిరక్షణ, సాగునీటికి విద్యుత్ సరఫరాపైనా చ‌ర్చించ‌నున్న‌ట్లు అధికార వ‌ర్గాలు తెలిపాయి. ప్రత్యామ్నాయ పంటల ప్రణాళిక, కరువు నివారణ చర్యలపై అఖిలపక్ష నేతల అభిప్రాయాలను ప‌రిగ‌ణ‌లోకి తీసుకోనున్న‌ట్లు వెల్ల‌డించాయి.