MLAs Disqualification | స్పీకర్ నిర్ణయం ప్రజాస్వామ్యానికి గొడ్డలి పెట్టు: మాజీ ఎంపీ వినోద్ కుమార్

MLAs Disqualification | స్పీక‌ర్ నిర్ణ‌యం ప్ర‌జాస్వామ్యానికి గొడ్డ‌లి పెట్టులాంటిద‌ని మాజీ ఎంపీ వినోద్ కుమార్ (Vinod Kumar) మండిప‌డ్డారు. స్వయంగా ఎమ్మెల్యేలు త‌మ నియోజకవర్గంలో అభివృద్ధి కోసం పార్టీ మారినట్లు చెప్పారని గుర్తు చేశారు. కానీ స్పీకర్ మాత్రం వారు పార్టీ మారలేదని చెప్ప‌డం ఎంత‌వ‌ర‌కు స‌బ‌బ‌ని ప్ర‌శ్నించారు. పార్టీ ఫిరాయింపుల‌పై త‌క్ష‌ణ‌మే పార్ల‌మెంట్‌లో ప్ర‌త్యేక చ‌ట్టం చేయాల‌ని డిమాండ్ చేశారు. ప‌ద‌వ షెడ్యూల్‌లో రాజ్యాంగ స‌వ‌ర‌ణ చేయాల‌ని అన్నారు. నేడు తెలంగాణ‌ స్పీకర్ గడ్డం ప్రసాద్ ఇచ్చిన తీర్పుతో సోనియా గాంధీ భర్త రాజీవ్ గాంధీ తెచ్చిన చట్టం పనికిమాలిన చట్టంగా నిరూపిత‌మైంద‌ని దుయ్య‌బ‌ట్టారు. రాజీవ్ గాంధీ తెచ్చిన పార్టీ ఫిరాయింపుల చట్టం 10వ షెడ్యూల్ ను పనికి మాలిన చట్టంగా స్పీకర్, ఇదే కాంగ్రెస్ పార్టీ దేశ ప్రజలకు చాటి చెప్పింద‌ని ఎద్దేవా చేశారు. పార్టీ ఫిరాయించ‌వ‌చ్చ‌ని, కానీ స్పీక‌ర్ ద‌గ్గ‌ర మాత్రం పార్టీ ఫిరాయించ‌లేద‌ని చెప్తే స‌రిపోతుంద‌న్నారు. కాంగ్రెస్ పార్టీ తీసుకువ‌చ్చిన చట్టాన్ని అదే కాంగ్రెస్ పార్టీ చంపేసిందని ఆవేద‌న వ్య‌క్తం చేశారు.