Telangana | ఫిబ్రవరి ఫస్ట్ వీక్ లో మునిసిపల్ ఎన్నికలు 

ఓటర్ల జాబితా షెడ్యూల్ ఇదీ

డిసెంబర్‌ 30-31: మున్సిపాలిటీలు, కార్పొరేషన్లలో వార్డులవారీగా ఓటర్ల వివరాల పునర్వ్యవస్థీకరణ

జనవరి 1, 2026: ముసాయిదా జాబి తా ప్రదర్శన, అభ్యంతరాల స్వీకరణ

జనవరి 5, 6 : కమిషనర్లు, జిల్లా ఎన్ని కల అధికారులతో రాజకీయ పార్టీల ప్రతినిధులతో సమావేశం.

జనవరి 10 : తుది జాబితా ప్రచురణ.

మరి జీహెచ్ఎంసీ ఎన్నికలు ఎప్పుడో

జీహెచ్‌ఎంసీ, ఖమ్మం, వరంగల్‌ మినహా అన్ని కార్పొరేషన్ల పాలకవర్గాల గడువు ముగిసింది. సిద్దిపేట, జడ్చర్ల, నకిరేకల్‌, కొత్తూరు, అచ్చంపేట మినహా మిగతా మున్సిపాలిటీల గడువు కూడా తీరింది. ఇవి మినహా మిగతా పురపాలికలకు తక్షణమే ఎన్నికలు నిర్వహించాల్సి ఉన్నది. ఓఆర్‌ఆర్‌ పరిధిలోని 27 మున్సిపాలిటీలను జీహెచ్‌ఎంసీలో విలీనం చేశా రు. ఇందులో జీహెచ్‌ఎంసీకి వచ్చే ఏడాది ఫిబ్రవరి వరకు గడువు ఉన్నది. ఈ నేపథ్యంలో జీహెచ్ఎంసీ ఎన్నికలు వెంటనే జరుగుతాయా? మరింత ఆలస్యం కానున్నాయా? అనే విషయంపై ప్రభుత్వం నుంచి స్పష్టత రావాల్సి ఉంది.

ఎన్నికలకు సిద్ధం అవండి: మంత్రి ఉత్తమ్

కాగా, హుజూర్ నగర్, నేరెడు చర్ల మునిసిపాలిటీ పరిధిలోని కాంగ్రెస్ నేతలు, కార్యకర్తలతో మంత్రి ఉత్తమ్ కుమార్ రెడ్డి  సమావేశమయ్యారు. ఈ సందర్భంగా ఆయన వారితో మాట్లాడుతూ.. మునిసిపల్ ఎన్నికలు 2026 జనవరి నెలాఖరులోగానీ, ఫిబ్రవరి మొదటవారంలో గానీ జరగనున్నాయని వెల్లడించారు. అసెంబ్లీ సమావేశాలు ముగియగానే తాను ఆ రెండు మున్సిపాలిటీల ఎన్నికలకు సంబంధించి అభ్యర్థులు ఎంపిక, ప్రచార కార్యక్రమాలపై చర్చిద్దామని చెప్పారు.