Komatireddy Venkat Reddy | న‌ల్గొండను హైద‌రాబాద్‌లా అభివృద్ధి చేసుకుందాం: మంత్రి కోమ‌టిరెడ్డి వెంక‌ట్‌రెడ్డి

Komatireddy Venkat Reddy | నల్గొండ (Nalgonda) ను హైదరాబాద్ (Hyderabad)లా అభివృద్ధి చేసుకుందామని రాష్ట్ర రోడ్లు, భవనాల శాఖ మంత్రి కోమటిరెడ్డి వెంకట్రెడ్డి (Komatireddy Venkat Reddy) అన్నారు. మున్సిపాలిటీ కంటే కార్పొరేషన్కు ఎక్కువ నిధులు వస్తాయని, నల్గొండ మున్సిపల్ కార్పొరేషన్ కావటంతో కేంద్రం నుంచి నేరుగా నిధులు తెచ్చుకునేందుకు అవకాశం లభిస్తుందని చెప్పారు. 25 నెలల్లోనే కార్పొరేషన్ తీసుకువచ్చానని, గతంలో కంటే ఇంకా వేగంగా నల్గొండను అభివృద్ధి చేసుకునేందుకు ఆస్కారం ఉంటుందని పేర్కొన్నారు. నల్గొండలో రూ. 20 కోట్ల వ్యయంతో చేపట్టిన పలు అభివృద్ది కార్యక్రమాలకు ఆయన శనివారం శంఖుస్థాపన చేశారు. ఈ సందర్భంగా ఆయన మాట్లాడుతూ తన కోరిక మేరకు ముఖ్యమంత్రి రేవంత్ రెడ్డి మున్సిపాలిటీని మున్సిపల్ కార్పొరేషన్ చేశారని చెప్పారు. సీఎంకు నల్గొండ ప్రజల పక్షాన కృతజ్ఞతలు తెలిపారు. వచ్చే ఎన్నికల్లో నల్గొండ కార్పొరేషన్లో అన్ని స్థానాలు గెలిచి సీఎంకు గిఫ్టుగా ఇవ్వాలని కోరారు. నల్గొండ కార్పొరేషన్లో ఇందిరమ్మ ఇళ్లు, డబుల్ రోడ్లు, సెంట్రల్ లైటింగ్తో పాటు, రూ.700 కోట్లతో ఓఆర్ఆర్ నిర్మాణం చేపట్టనున్నట్లు తెలిపారు. ధర్వేశిపురం వరకు ఆరు లైన్ల రోడ్డును నిర్మించనున్నామని చెప్పారు. రూ.140 కోట్లతో బ్రహ్మ గారి గుట్ట, లతీప్ సాబ్ దర్గా గుట్ట అభివృద్ధి, దొరేపల్లి, అనంతారం వరకు రోడ్లు నిర్మిస్తున్నామని వివరించారు. ఎస్ఎల్బీసీని పూర్తి చేయడమే తమ లక్ష్యమని స్పష్టం చేశారు. ఏఎంఆర్పీ కాలువల లైనింగ్కు రూ.450 కోట్లు మంజూరు చేయించామని తెలిపారు. బ్రాహ్మణ వెళ్లెముల ప్రాజెక్టు ద్వారా మునుగోడు, చండూరులకు సైతం సాగునీరు అందుతుందని వివరించారు. నల్గొండ ప్రజలందరూ మత సమరస్యంతో శాంతియుతంగా ఉండాలని సూచించారు. కార్పొరేషన్ అభివృద్ధికి సహకారం అందించాలన్నారు. రాజకీయాలకతీతంగా నల్గొండను అభివృద్ధి చేస్తామని తెలిపారు. పేదలకు ఇందిరమ్మ ఇండ్లు కట్టిస్తామని హామీ ఇచ్చారు. కార్పోరేషన్ పరిధిలో అన్ని వార్డుల్లో సీసీ రోడ్లు, భూగర్భ మురికి కాలువలతో అద్భుతంగా తీర్చిదిద్దుతానని ఉద్ఘాటించారు.

Komatireddy Venkat Reddy | న‌ల్గొండను హైద‌రాబాద్‌లా అభివృద్ధి చేసుకుందాం: మంత్రి కోమ‌టిరెడ్డి వెంక‌ట్‌రెడ్డి

FOLLOW US

ట్యాగ్స్:

సంబంధిత వార్తలు

Chain Snatching | హైద‌రాబాద్‌లో రెచ్చిపోయిన చైన్‌ స్నాచ‌ర్స్‌..మూడుచోట్ల బంగారు గొలుసులు ఎత్తుకెళ్లిన దొంగ‌లు

GHMC Elections | జీహెచ్ఎంసీ ఎన్నిక‌లు.. బీసీల‌కు 122 డివిజ‌న్లు..!

Municipal Elections | మున్సిప‌ల్ ఎన్నిక‌ల రిజ‌ర్వేష‌న్లు.. హైద‌రాబాద్ మేయ‌ర్ పీఠం మ‌ళ్లీ మ‌హిళ‌కే..!

తాజావార్తలు

పాపులర్

Blinkit Ambulance | ఆరు నిమిషాల్లో ఇంటికొచ్చి వృద్ధురాలి ప్రాణం కాపాడిన బ్లింకిట్ అంబులెన్స్

Ramachandra Rao | త్వరలో బీఆర్ఎస్ ముక్క‌ల‌వ‌డం ఖాయం

Rukmini Vasanth | కాంతార హీరోయిన్ ప్రేమ‌లో ప‌డిందా? - బాయ్‌ఫ్రెండ్‌తో ఫొటో వైర‌ల్‌?

Husband Murders Wife | "నేనే చంపేశా.. శవం దుప్పటిలో ఉంది".. భార్య గొంతు పిసికి చంపి పోలీసులకు లొంగిపోయిన భర్త!

Chain Snatching | హైద‌రాబాద్‌లో రెచ్చిపోయిన చైన్‌ స్నాచ‌ర్స్‌..మూడుచోట్ల బంగారు గొలుసులు ఎత్తుకెళ్లిన దొంగ‌లు

POPULAR LINKS