Addanki Dayakar | బీఆర్ఎస్ చీలిక‌కు జీవ‌న్‌రెడ్డి చేరికే కార‌ణం: అద్దంకి ద‌యాక‌ర్‌ వ్యాఖ్య‌

Addanki Dayakar: త్రినేత్ర‌.న్యూస్‌: బీఆర్ఎస్ (BRS) చీలిక‌లకు జీవ‌న్‌రెడ్డి (Jeevan Reddy) ఆ పార్టీలో చేర‌డ‌మే కార‌ణ‌మ‌ని ప్ర‌భుత్వ విప్‌, ఎమ్మెల్సీ అద్దంకి ద‌యాక‌ర్ విమ‌ర్శించారు. జీవ‌న్‌రెడ్డి చేరిక‌ను హ‌రీశ్‌రావు (Harish Rao) మొద‌టి నుంచి వ్య‌తిరేకిస్తున్నారన్నారు. ఆయ‌న చేరిక రోజే హ‌రీశ్ ర‌హ‌స్యంగా ఢిల్లీ వెళ్లార‌ని.. బీజేపీ నాయ‌కుల‌తో క‌లిసి వెళ్లినట్లు అనుమానంగా ఉంద‌న్నారు. ఆయ‌న‌కు ఇష్టం లేకుండా జీవ‌న్‌రెడ్డిని బ‌ల‌వంతంగా చేర్చుకుంటున్నార‌ని ఆరోపించారు. ఈ మేర‌కు ఆయ‌న ఎక్స్ వేదికగా స్పందించారు.

ఏడాది కాలంగా కేసీఆర్‌ ఫాంహౌస్‌లో ఉన్నారు. త‌న స్వార్థ ప్ర‌యోజ‌నాల కోసం, త‌న కొడుకు భ‌విష్య‌త్ కోసం జీవ‌న్‌రెడ్డిని పార్టీలో చేర్చుకుంటున్నాడు. అయితే జీవ‌న్‌రెడ్డిని హ‌రీశ్‌రావుతో పాటు బీఆర్ఎస్ నాయ‌కులు ఐర‌న్ లెగ్ గా భావిస్తున్న‌రు. హ‌రీశ్ రావు అల‌క వెన‌క ఉన్న ఆంత‌ర్యం ఏంటి? పార్టీ చీలిక‌కే ప్ర‌యత్నం చేస్తుండ‌నే అనుమానం ఉంది. దీనికి బీఆర్ఎస్ నాయ‌కులే స‌మాధానం చెప్పాలి.

క‌విత ఇంటి నుంచి బ‌య‌ట‌కు వెళ్లి కొత్త పార్టీ పెట్టి హ‌రీశ్‌రావునే టార్గెట్ చేస్తున్న‌ది. జీవ‌న్‌రెడ్డి కార‌ణంగానే హ‌రీశ్‌రావు బీఆర్ఎస్ నుంచి బ‌య‌టికి వెళ్లే ప‌రిస్థితి క‌నిపిస్తున్న‌ది. కేసీఆర్ త‌న రాజ‌కీయ ప్రయోజ‌నాల‌ను జీవ‌న్‌రెడ్డిలో వెతుక్కుంటున్నారు. అది ఎలా సాధ్య‌మ‌వుతుందో తెలియ‌దు. ఆయ‌న రాక‌ను బీఆర్ఎస్ నాయ‌కులు ఐర‌న్ లెగ్ గా ఫీల‌వుతున్నారు. ఇదొక విచిత్ర‌మైన ప‌రిస్థితి. ఏదేమైనా కాంగ్రెస్‌కు రాష్ట్రంలో తిరుగు లేదు అని అద్దంకి వ్యాఖ్యానించారు.