Balram Naik | రాహుల్‌ను ఏమ‌న్నా నీ సంగ‌తి చూస్తా: కేటీఆర్‌కు ఎంపీ బ‌ల‌రాం నాయ‌క్ వార్నింగ్‌

• ఈ రాష్ట్రానికి, రాజ‌కీయాల‌కు నువ్ ప‌నికిరావ్‌
• జ‌నాల కొంప‌ల ముందు బ‌తికిన‌వ్‌
• నీ బాగోతం మాకు మొత్తం తెలుసు
• కేటీఆర్‌పై నిప్పులు చెరిగిన బ‌ల‌రాం నాయ‌క్‌

Balram Naik | త్రినేత్ర‌.న్యూస్‌: లంబాడాలు అంటే కేసీఆర్‌ (KCR) కు చిన్న‌చూప‌ని, కేటీఆర్ (KTR) జ‌నాల కొంప‌ల ముందు బ‌తికాడ‌ని ఎంపీ బ‌ల‌రాం నాయ‌క్ తీవ్ర స్థాయిలో మండిప‌డ్డారు. రాహుల్ గాంధీని, సీఎం రేవంత్‌రెడ్డిన ఇంకోసారి ఏమైనా అంటే కేటీఆర్ సంగ‌తి తేలుస్తాన‌ని వార్నింగ్ ఇచ్చారు. శుక్ర‌వారం హైద‌రాబాద్‌లోని గాంధీ భ‌వ‌న్‌లో ఆయ‌న మీడియాతో మాట్లాడుతూ క‌ల్వ‌కుంట్ల కుటుంబంపై నిప్పులు చెరిగారు.

లాంబాడాలు అంటే కేసీఆర్ కు చిన్నచూపు. లాంబాడాను కాంగ్రెస్ రాజ్యసభ అభ్యర్థిగా నిలబడితే పట్టబట్టి ఓడగొట్టారు. తెలంగాణ ఉద్య‌మంలో పోరాడింది ఎస్సీ, ఎస్టీ, బీసీలే. కానీ పదవులు పొందింది మాత్రం కేసీఆర్ కుటుంబం. రాష్ట్రాన్ని ఆర్థిక ఇబ్బందుల్లోకి నెట్టింది కేసీఆర్ కాదా? కేటీఆర్ నువ్వు రాజకీయాలకు, ఈ రాష్ట్రానికి పనికి రావ్‌. కేటీఆర్ ఇంకోసారి ఇలాంటి మాటలు మాట్లాడితే నీ సంగతి చూస్తా అని హెచ్చరించారు.

కేటీఆర్ నీ నిజాయితీ మాకు తెల్వదా. నీ బాగోతం మొత్తం బయటపెడుతాం. జనాల కొంపల‌ ముందు బతికారు. రాహుల్ గాంధీ, సీఎంను ఇంకోసారి ఏమైనా అంటే కేటీఆర్ నీ సంగతి తేలుస్తాం. కేటీఆర్ తగిన మూల్యం చెల్లించుకోక తప్పదు అని ఎంపీ బ‌ల‌రాంనాయ‌క్‌ తీవ్ర స్థాయిలో ధ్వ‌జ‌మెత్తారు.