BJP | బీజేపీ జాతీయ అధ్య‌క్షుడి ఎన్నిక‌కు నోటిఫికేష‌న్ విడుద‌ల‌

BJP | త్రినేత్ర‌.న్యూస్‌: బీజేపీ (BJP) జాతీయ అధ్య‌క్షుడి (National President) ఎన్నిక‌కు నోటిఫికేష‌న్ విడుద‌లైంది. ఈ మేర‌కు జాతీయ రిట‌ర్నింగ్ అధికారి, రాజ్య‌స‌భ స‌భ్యుడు (MP) కె. ల‌క్ష్మ‌ణ్ (K. Laxman) నోటిఫికేష‌న్ విడుద‌ల చేశారు. ఎన్నిక‌ల‌కు సంబంధించిన కార్య‌క్ర‌మాలు పార్టీ జాతీయ కార్యాల‌యంలో నిర్వ‌హించ‌నున్నట్లు తెలిపారు. నోటిఫికేష‌న్‌తో పాటు ఓట‌ర్ల జాబితాను సైతం ప్ర‌చురించిన‌ట్లు చెప్పారు. ఈ నెల 19న మ‌ధ్యాహ్నం రెండు గంట‌ల నుంచి నాలుగు గంట‌ల వ‌ర‌కు నామినేష‌న్లు స్వీక‌రిస్తామ‌ని ప్ర‌క‌టించారు. సాయంత్రం నాలుగు గంట‌ల నుంచి అయిదు గంట‌ల వ‌ర‌కు నామినేష‌న్ల ప‌రిశీలన ఉంటుంద‌ని పేర్కొన్నారు. అదే రోజు అయిదు గంట‌ల నుంచి ఆరు గంట‌ల వ‌ర‌కు నామినేష‌న్ల ఉప‌సంహ‌ర‌ణ‌కు గ‌డువు ఇచ్చిన‌ట్లు, సాయంత్రం ఆరున్న‌ర గంట‌ల‌కు చెల్లుబాటులో ఉన్న నామినేష‌న్ల వివరాలు వెల్ల‌డిస్తామ‌న్నారు. 20న పార్టీ అధ్య‌క్షుడిని ప్ర‌క‌టిస్తామ‌ని, అవ‌స‌ర‌మైతే ఉద‌యం ప‌ద‌కొండున్నర గంట‌ల నుంచి ఒక‌టిన్న‌ర గంట‌ల వ‌ర‌కు ఎన్నిక‌లు నిర్వ‌హించి ఫ‌లితాల‌ను ప్ర‌క‌టిస్తామ‌ని వివ‌రించారు.