South Delhi Hotel Fire | ఢిల్లీ అగ్నిప్రమాదం: ప్రాణభయంతో భవనం పైనుంచి దూకేసిన మహిళలు.. వీడియో వైరల్

• దక్షిణ ఢిల్లీలోని హౌజ్ రాణి ప్రాంతంలో ఉన్న మికాసా ఇన్‌ (Micasa Inn) హోటల్‌లో భారీ అగ్ని ప్రమాదం
• గ్రౌండ్ ఫ్లోర్‌లోని రెస్టారెంట్‌లో చెలరేగిన మంటలు ఐదంతస్తుల భవనానికి వేగంగా వ్యాపించడంతో 21 మంది మృతి
• ప్రాణాలను అరచేతిలో పెట్టుకుని కొందరు మహిళలు పైనుంచి దూకేయగా.. కింద పరుపులు వేసి స్థానికులు వారిని రక్షించారు.
• మృతుల్లో వైద్యం కోసం విదేశాల నుంచి వచ్చిన వారు కూడా ఉన్నట్లు అధికారులు గుర్తించారు.

South Delhi Hotel Fire | త్రినేత్ర.న్యూస్ : దక్షిణ ఢిల్లీలో (South Delhi) బుధవారం ఉదయం ఘోర విషాదం చోటుచేసుకుంది. హౌజ్ రాణి ప్రాంతంలోని మికాసా ఇన్ (Micasa Inn) హోటల్‌లో భారీ అగ్నిప్రమాదం సంభవించి ఏకంగా 21 మంది సజీవ దహనమయ్యారు. మంటల తీవ్రతకు భయపడి కొందరు మహిళలు భవనం పైనుంచి కిందకు దూకేసిన దృశ్యాలు ఇప్పుడు సోషల్ మీడియాలో కలకలం రేపుతున్నాయి.

రెస్టారెంట్‌లో మొదలైన మంటలు

స్థానికులు తెలిపిన వివరాల ప్రకారం.. మికాసా ఇన్ హోటల్ గ్రౌండ్ ఫ్లోర్‌/బేస్‌మెంట్‌లో 'ఫ్లరిష్' (Flourish) అనే రెస్టారెంట్ ఉంది. బుధవారం ఉదయం ఈ రెస్టారెంట్‌లో అకస్మాత్తుగా మంటలు చెలరేగాయి. చూస్తుండగానే ఆ మంటలు ఐదంతస్తుల హోటల్ మొత్తానికి వేగంగా వ్యాపించాయి. దట్టమైన పొగ కమ్ముకోవడంతో లోపల ఉన్నవారు ఊపిరి ఆడక తీవ్ర ఇబ్బందులు పడ్డారు. ప్రమాదం జరిగిన సమయంలో హోటల్‌లో ఉన్న గెస్టులంతా గాఢ నిద్రలో ఉండటంతో ప్రాణనష్టం భారీగా పెరిగింది.

కింద పరుపులు వేసి కాపాడిన స్థానికులు

మంటలు పై అంతస్తులకు వ్యాపించడంతో అందులో చిక్కుకున్న మహిళలు ప్రాణభయంతో హాహాకారాలు చేశారు. వేడికి తాళలేక, తప్పించుకునే మార్గం లేక ఇద్దరు మహిళలు పైనుంచి కిందకు దూకేశారు. ఇది గమనించిన స్థానికులు వెంటనే అప్రమత్తమై.. రోడ్డుపై పరుపులు (Mattresses) వేసి వారి ప్రాణాలు కాపాడే ప్రయత్నం చేశారు. దీనికి సంబంధించిన షాకింగ్ వీడియోలు ప్రస్తుతం ఇంటర్నెట్‌లో వైరల్ అవుతున్నాయి.

మృతుల్లో విదేశీయులు

హౌజ్ రాణి ప్రాంతంలోని ఇరుకు సందుల్లో ఉన్న ఈ హోటల్‌లో సుమారు 25 గదులు ఉన్నాయి. ప్రమాదం జరిగిన సమయంలో అందులో దాదాపు 40 మంది గెస్టులు బస చేస్తున్నారు. వీరిలో ఎక్కువ మంది మెడికల్ ట్రీట్‌మెంట్ కోసం వేరే దేశాల నుంచి వచ్చిన విదేశీయులేనని సమాచారం. మరణించిన 21 మందిలో కొందరు విదేశీయులు కూడా ఉన్నట్లు పీటీఐ (PTI) వార్తా సంస్థ తెలిపింది.

అధికారులు ఏమంటున్నారంటే?

సౌత్ డిస్ట్రిక్ట్ DDMA ఎస్‌డీఎం జితేంద్ర కుమార్ ఈ ఘటనపై స్పందిస్తూ.. "భవనం గ్రౌండ్ ఫ్లోర్‌లో రెస్టారెంట్ నడుస్తోంది. అగ్నిప్రమాదానికి కచ్చితమైన కారణం ఇంకా తెలియరాలేదు. మంటల నుంచి తప్పించుకునేందుకు పై అంతస్తుల నుంచి కొందరు కిందకు దూకారు, స్థానికులు పరుపులు వేసి వారిని రక్షించారు" అని తెలిపారు. ఇరుకు సందుల కారణంగా ఫైర్ ఇంజిన్లు (Fire engines) సంఘటనా స్థలానికి చేరుకుని మంటలను ఆర్పేందుకు తీవ్రంగా శ్రమించాల్సి వచ్చింది.

#Watch | Woman jumps to safety as fire engulfs in hotel in Delhi's Malviya Nagar pic.twitter.com/tQH2PKlqwl

— NDTV (@ndtv) June 3, 2026

 

View this post on Instagram

 

A post shared by India Today (@indiatoday)