Sonam Wangchuk | ఏం జ‌రిగినా.. జులై 20 వరకూ ప్రాణాల‌తో ఉంటా : సోన‌మ్ వాంగ్‌చుక్‌

Sonam Wangchuk | నీట్ (NEET) పరీక్షల్లో అక్రమాలు జరిగాయని ఆరోపిస్తూ కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలనే డిమాండ్‌తో ఢిల్లీలోని జంతర్ మంతర్ వద్ద 20 రోజులుగా నిర‌వ‌ధిక నిరాహార దీక్ష చేస్తున్న (hunger strike) ప‌ర్యావ‌ర‌ణ ఉద్య‌మ‌కారుడు సోన‌మ్ వాంగ్‌చుక్ (Sonam Wangchuk) ఆరోగ్యం రోజురోజుకూ క్షీణిస్తోంది. సుదీర్ఘ దీక్ష కారణంగా ఆయన ఆరోగ్యం క్లిష్ట దశకు చేరుకుందని వైద్యులు హెచ్చరించారు.

ఈ నేప‌థ్యంలో వాంగ్‌చుక్ ఆరోగ్య ప‌రిస్థితిపై ప‌లువురు రాజ‌కీయ‌, సినీ ప్ర‌ముఖులు, ప‌ర్యావ‌ర‌ణ ప‌రిర‌క్ష‌కులు ఆందోళ‌న వ్య‌క్తం చేస్తున్నారు. ఈ నేప‌థ్యంలో వాంగ్‌చుక్ స్పందించారు. జులై 20న నిర్వహించ తలపెట్టిన ‘చలో సంసద్’ (Chalo Sansad) మార్చ్ వ‌ర‌కూ తాను ప్రాణాల‌తోనే ఉంటాన‌ని చెప్పారు. "ఎట్టి పరిస్థితుల్లోనూ జూలై 20 వరకు ప్రాణాలతో ఉంటాను. ఒక‌వేళ అది సాధ్యం కాక‌పోతే.. ఆత్మ‌గానైనా వ‌స్తా" అని వాంగ్‌చుక్‌ స్పష్టం చేశారు.

పార్ల‌మెంట్ వ‌ర్షాకాల స‌మావేశాల ప్రారంభం రోజున కాక్రోచ్‌పార్టీ పార్ల‌మెంట్ మార్చ్ పేరుతో భారీ నిర‌స‌న‌కు పిలుపునిచ్చిన విష‌యం తెలిసిందే. కార్య‌క్ర‌మంలో పెద్ద సంఖ్య‌లో రాజ‌కీయ నాయ‌కులు, సెల‌బ్రిటీలు పాల్గొనాల‌ని వాంగ్‌చుక్‌ విజ్ఞ‌ప్తి చేశారు. ఈ కార్యక్రమంలో యువత, విద్యార్థులు కూడా చురుకుగా పాల్గొనాలని సూచించారు. 'చలో సంసద్'లో పాల్గొనాల‌నుకునే వారు ప్రచార వెబ్‌సైట్ లేదా మిస్డ్ కాల్ ద్వారా నమోదు చేసుకోవాలని సూచించారు. "జులై 20న వేలాదిగా త‌ర‌లి రండి. ఈ సమస్యను ప్రజల తరఫున పార్లమెంట్ ముందుంచుదాం. అప్పుడే ప్రజాస్వామ్య వ్యవస్థ తన బాధ్యతను నిర్వర్తించే అవకాశం ఉంటుంది" అని వాంగ్‌చుక్ పేర్కొన్నారు.

Also Read..

యువ సంగ్రామ స‌భ‌కు ఎందుకు అనుమ‌తివ్వ‌రు.. ఎన్ని అడ్డంకులున్నా స‌క్సెస్ చేస్తం

ప్రేమ‌ను నిరాక‌రించింద‌ని.. బ‌స్టాండ్‌లో యువ‌తిని న‌రికి చంపిన యువ‌కుడు

పార్ల‌మెంట్ ముందుకు వెళ్లే కీల‌క బిల్లులు ఇవే.. డీలిమిటేష‌న్‌కు ద‌క్క‌ని చోటు..!