KVS Admissions 2026-27 | ఎల్లుండే లాస్ట్ డేట్.. ఫొటో, బ‌ర్త్ స‌ర్టిఫికెట్ ఉంటే చాలు.. కేవీకి ద‌ర‌ఖాస్తు చేయొచ్చు..

KVS Admissions 2026-27 | త్రినేత్ర‌.న్యూస్ : దేశ వ్యాప్తంగా ఉన్న కేంద్రీయ విద్యాల‌యాల్లో( Kendriya Vidyalaya ) అడ్మిష‌న్ల‌కు ద‌ర‌ఖాస్తు ప్ర‌క్రియ కొన‌సాగుతోంది. మార్చి 20వ తేదీన ఉద‌యం 10 గంట‌ల‌కు ద‌ర‌ఖాస్తు ప్ర‌క్రియ ప్రారంభం కాగా.. చివ‌రి తేదీకి మ‌రో రెండు రోజులు మాత్ర‌మే మిగిలి ఉంది. అంటే ఏప్రిల్ 2వ తేదీతో ద‌ర‌ఖాస్తుల ప్ర‌క్రియ ముగియ‌నుంది. ఈ నేప‌థ్యంలో అర్హులైన విద్యార్థులు త‌మ ద‌ర‌ఖాస్తుల‌ను ఆన్‌లైన్‌లో స‌మ‌ర్పించొచ్చు. ఆన్‌లైన్‌లో బాల‌వాటిక‌, ఒక‌టో త‌ర‌గ‌తి కోసం మాత్ర‌మే ద‌ర‌ఖాస్తు చేసుకోవాలి.

ముఖ్య‌మైన తేదీలు

• ద‌ర‌ఖాస్తుల ప్ర‌క్రియ ప్రారంభం - మార్చి 20
• ద‌ర‌ఖాస్తుల స‌మ‌ర్పణ‌కు చివ‌రి తేదీ - ఏప్రిల్ 2
• బాల‌వాటిక‌ల‌కు తొలి ఎంపిక జాబితా - ఏప్రిల్ 8
• ఒక‌టో త‌ర‌గ‌తికి తొలి ఎంపిక జాబితా - ఏప్రిల్ 9
• రెండో జాబితా - ఏప్రిల్ 16 (సీట్ల ఖాళీలను బట్టి)
• మూడో జాబితా - ఏప్రిల్ 21

వయోపరిమితి

• ఒకటో తరగతిలో చేరాలంటే 2026, మార్చి 31 నాటికి 6 ఏళ్లు నిండి ఉండాలి.
• కేంద్ర ప్రభుత్వ ఉద్యోగులు, ఆర్మీ సిబ్బంది పిల్లలకు ప్రవేశాల్లో మొదటి ప్రాధాన్యం ఉంటుంది. రిజర్వేషన్లు, కోటాల ఆధారంగా కూడా సీట్ల భర్తీ జరుగుతుంది.

ద‌ర‌ఖాస్తుకు అవ‌స‌ర‌మైన ప‌త్రాలు ఇవే..

• పిల్లల బర్త్ సర్టిఫికేట్
• ఆధార్ కార్డు
• ఫొటో
• తల్లిదండ్రుల ఈ-మెయిల్, మొబైల్ నంబర్
• ఈడబ్ల్యూఎస్‌/రిజర్వేషన్ వర్గానికి చెందిన వారైతే సంబంధిత సర్టిఫికేట్లు