Indian Whisky Market | స్కాచ్‌కు ‘దేశీ’ బ్రాండ్స్ చెక్.. గ్లోబల్ మార్కెట్‌లోనూ ఇండియన్ విస్కీలదే హవా!

• స్కాచ్‌కు పోటీగా ఇండియన్ విస్కీ
• 'లోకల్' బ్రాండ్లదే హవా!

Indian Whisky Market | త్రినేత్ర.న్యూస్ : ప్రపంచంలోనే అత్యధికంగా విస్కీ తాగే దేశాల్లో భారత్ ముందు వరుసలో ఉంటుంది. అయితే, ఒకప్పుడు విదేశీ స్కాచ్ బాటిల్ కనిపిస్తే ఎంతో ఇష్టపడే విస్కీ ప్రియులు.. ఇప్పుడు తమ టేస్ట్ మార్చారు. ఇంద్రి, రాంపూర్ లాంటి అచ్చమైన ఇండియన్ ప్రీమియం సింగిల్ మాల్ట్ విస్కీల వైపు మొగ్గుచూపుతున్నారు. లోకల్ బ్రాండ్స్ ఎంట్రీతో స్కాచ్, అమెరికన్, ఐరిష్ విస్కీల సేల్స్ గ్రోత్ రేట్ క్రమంగా తగ్గుముఖం పడుతోంది.

భారీగా పెరిగిన మార్కెట్ సైజ్

ఇండియాలో విస్కీ మార్కెట్ సైజ్ ఊహించని స్థాయిలో పెరుగుతోంది. 2024లో 19.16 బిలియన్ డాలర్లుగా ఉన్న ఈ మార్కెట్.. 2030 నాటికి ఏకంగా 48.65 బిలియన్ డాలర్లకు చేరుకుంటుందని అంచనా. దీని వార్షిక వృద్ధి రేటు 16.80% గా నమోదు కావడం విశేషం. పట్టణ ప్రాంతాల్లో ప్రజల ఆదాయం పెరగడం, యంగ్ జనరేషన్ హై-ఎండ్, సూపర్ ప్రీమియం బ్రాండ్ల వైపు ఆసక్తి చూపించడమే ఈ భారీ గ్రోత్‌కు ప్రధాన కారణం. ప్రపంచవ్యాప్తంగా ప్రఖ్యాతి గాంచిన 'జానీ వాకర్' కంటే ఎక్కువగా అమ్ముడవుతున్న టాప్ 4 విస్కీ బ్రాండ్స్ మన ఇండియాకు చెందినవే కావడం గమనార్హం.

జూలై 15 తర్వాత స్కాచ్ ధరలు తగ్గుతాయా?

ఇండియన్ బ్రాండ్స్ దూసుకుపోతున్న వేళ.. స్కాచ్ బ్రాండ్లకు ఓ శుభవార్త ఉంది. బ్రిటన్-ఇండియా ట్రేడ్ ట్రీటీ (Britain-India trade treaty) జూలై 15 నుంచి ఆపరేషనల్‌గా మారనుంది. ఈ ఒప్పందం ద్వారా బాటిల్ స్కాచ్‌పై ఉన్న దిగుమతి సుంకాలు (Taxes) భారీగా తగ్గే అవకాశం ఉంది. అదే జరిగితే స్కాచ్ విస్కీ ధరలు దిగివచ్చి.. ఇండియన్ బ్రాండ్స్‌కు గట్టి పోటీ ఎదురవుతుంది. ముఖ్యంగా ఇండియాలోని యూత్‌లో స్కాచ్‌కు ఉన్న 'బ్రాండ్ క్రేజ్' దృష్ట్యా విదేశీ కంపెనీలు మళ్లీ పుంజుకునే ఛాన్స్ ఉంది.

బార్ల కంటే లిక్కర్ స్టోర్స్‌లోనే..

ప్రస్తుతం మార్కెట్‌లో 'ప్రీమియమైజేషన్' (Premiumization) ట్రెండ్ నడుస్తోంది. ఫ్లేవర్డ్ (Flavored), క్రాఫ్ట్ విస్కీలను అర్బన్ మిలీనియల్స్ తెగ ఇష్టపడుతున్నారు. ఇక డిస్ట్రిబ్యూషన్ ఛానల్స్ విషయానికొస్తే.. బార్‌లు, పబ్‌లు (On-trade) కంటే లిక్కర్ స్టోర్స్, రిటైల్ అవుట్‌లెట్ల (Off-trade) ద్వారానే ఎక్కువ సేల్స్ జరుగుతున్నాయి. తక్కువ ధరకు దొరకడం, కన్వీనియెన్స్‌గా ఉండటమే ఇందుకు కారణం.

గ్లోబల్‌గా విస్కీ వార్

ఈ 'విస్కీ వార్' (Whisky war) కేవలం ఇండియాకే పరిమితం కాలేదు. గ్లోబల్ మార్కెట్‌లోనూ బ్రిటన్, ఇండియా సింగిల్ మాల్ట్‌ల మధ్య తీవ్ర పోటీ నెలకొంది. ఇండియన్ మాస్-మార్కెట్ విస్కీ ఎగుమతులు భారీగా పెరిగాయి. ఒకప్పుడు బ్రిటీష్ వాళ్ల నుంచి 'క్రికెట్' ఆటను మాత్రమే అడాప్ట్ చేసుకున్న ఇండియన్స్.. ఇప్పుడు వాళ్ళ ట్రెడిషనల్ డ్రింక్ అయిన విస్కీలోనూ గ్లోబల్ లీడర్‌గా ఎదుగుతుండటం విశేషం.

2023 లో 53 శాతం

కాన్ఫెడరేషన్ ఆఫ్ ఇండియన్ ఆల్కహాలిక్ బెవరేజెస్ కంపెనీస్ అంచనాల ప్రకారం, 2023లో జరిగిన మొత్తం విక్రయాల్లో ఇండియన్ సింగిల్ మాల్ట్ బ్రాండ్ల వాటా ఏకంగా 53 శాతానికి (సుమారు 3,45,000 కేసులు - ఒక కేసు 9 లీటర్లు) చేరి విదేశీ స్కాచ్‌ను వెనక్కి నెట్టేసింది. ఆ ఏడాది అంతర్జాతీయ బ్రాండ్లు కేవలం 11 శాతం వృద్ధిని నమోదు చేస్తే, మన దేశీ బ్రాండ్లు మాత్రం రికార్డు స్థాయిలో 23 శాతం గ్రోత్ రేట్‌ను సాధించాయి. నాణ్యమైన ఉత్పత్తితో పాటు భారతీయ వినియోగదారులలో 'మేడ్ ఇన్ ఇండియా' సెంటిమెంట్, దేశీయ బ్రాండ్లను తాగాలనే గర్వం పెరగడమే ఈ భారీ మార్పుకు కారణం. 'పాల్ జాన్' వంటి ప్రముఖ ఇండియన్ సింగిల్ మాల్ట్ బ్రాండ్లు మొదట యూకే లాంటి అంతర్జాతీయ మార్కెట్లలో తమ సత్తా చాటి, ఆ తర్వాతే ఇండియాలో లాంచ్ అయ్యాయంటే వీటికి ప్రపంచవ్యాప్తంగా ఉన్న క్రేజ్ ఏ స్థాయిదో అర్థం చేసుకోవచ్చు.