ECI Response on SIR Process | క్లారిఫికేషన్: ఎన్నికల సంఘంలో భిన్నాభిప్రాయాలపై స్పందించిన ఈసీ

ECI Response on SIR Process | త్రినేత్ర న్యూస్ : ఎన్నికల సంఘం (ECI) లోని ఇద్దరు ఎలక్షన్ కమిషనర్లు ఎస్ఐఆర్ (SIR) ప్రక్రియలో వ్యక్తపరిచిన అభ్యంతరాలు, అంతర్గత విభేదాల గురించి వస్తున్న మీడియా నివేదికలపై ఎలక్షన్ కమిషన్ ఆఫ్ ఇండియా స్పందించింది. ఈ మేరకు సెప్టెంబర్ 23, 2026, బుధవారం నాడు న్యూఢిల్లీ నుంచి ఒక అధికారిక ప్రెస్ నోట్‌ను విడుదల చేసింది.

భిన్నాభిప్రాయాలు సాధారణమే: ఈసీ

ఏదైనా ఒక సంస్థలో నిర్ణయాలు తీసుకునే ప్రక్రియలో భాగంగా భిన్నాభిప్రాయాలు, పరిశీలనలు రావడం అత్యంత సహజమని ఈసీ తన ప్రకటనలో పేర్కొంది. తుది నిర్ణయం తీసుకునే ముందు ఇవి సాధారణ చర్చల్లో భాగమని తెలిపింది. కేవలం ముగ్గురు కమిషనర్లే కాకుండా, ఎన్నికల వ్యవస్థను మెరుగుపరచడానికి కమిషన్‌లోని ప్రతి అధికారికి తమ సలహాలు అందించే పూర్తి అధికారం ఉందని ఈసీ స్పష్టం చేసింది.

ఆ నిర్ణయాలు కమిషన్ ఏకగ్రీవ నిర్ణయాల ఫలితమే

పది నెలల కాలానికి సంబంధించిన కొన్ని నిర్దిష్ట అంతర్గత అబ్జర్వేషన్లను మాత్రమే హైలైట్ చేయడం ద్వారా కేవలం ఒక కోణం మాత్రమే బయటపడుతుందని, అది పూర్తి స్థాయి విధానాలు కావని ఈసీ అసంతృప్తి వ్యక్తం చేసింది. గత కొన్ని నెలలుగా కమిషన్ అనేక కీలక నిర్ణయాలు తీసుకుందని, దాదాపు 40 కొత్త విధానాలను ప్రవేశపెట్టిందని గుర్తుచేసింది. దేశవ్యాప్తంగా ఎలక్టోరల్ రోల్ రివిజన్ (SIR తో సహా) వంటి అనేక ఎన్నికల సంస్కరణలను పూర్తి ఏకగ్రీవంతో అమలు చేసినట్లు తెలిపింది.

తాజాగా బీహార్, కేరళ, తమిళనాడు, పుదుచ్చేరి, అస్సాం, పశ్చిమ బెంగాల్ రాష్ట్రాల ఎన్నికలను కూడా విజయవంతంగా నిర్వహించినట్లు ఈసీ వెల్లడించింది. ప్రజాస్వామ్యాన్ని పరిరక్షించడంలో తన రాజ్యాంగబద్ధమైన విధులను అత్యంత పవిత్రతతో, నిబద్ధతతో నిర్వర్తించడానికి ఈసీ పూర్తిగా కట్టుబడి ఉందని స్పష్టం చేసింది.

Official Press Note pic.twitter.com/xIQvXHqMSt

— Election Commission of India (@ECISVEEP) September 23, 2026