Renu Desai | అకీరా, ఆద్య వెనుక ఉన్న‌ది నా సంస్కార‌మే

Renu Desai | న‌టి రేణు దేశాయ్ పిల్ల‌లు అకీరా నంద‌న్, ఆద్య త‌రచుగా మెగా ఈవెంట్స్‌కు హాజ‌ర‌వుతూ ప్ర‌త్యేక ఆక‌ర్ష‌ణ‌గా నిలుస్తుంటారు. అయితే రేణు దేశాయ్ మాత్రం ఆ ఈవెంట్స్‌లో ఎక్క‌డా క‌నిపించ‌దు. కానీ పిల్ల‌లే ఎందుకు హాజ‌ర‌వుతున్నార‌న్న దానిపై ఆమె స్ప‌ష్ట‌తనిచ్చారు. ఓ ఇంట‌ర్వ్యూలో రేణు దేశాయ్ మాట్లాడుతూ.. పిల్లలు మెగా ఫ్యామిలీ ఈవెంట్స్‌కు వెళ్లడం వెనుక తన పెంపకం, సంస్కారమే కారణమని పేర్కొన్నారు. “పిల్లలకు కుటుంబ విలువలు, పెద్దలను గౌరవించడం, అబద్ధాలు చెప్పకపోవడం వంటివి చిన్నప్పటి నుంచే నేర్పించాను. మెగా ఫ్యామిలీ ఈవెంట్స్‌కు వాళ్లు వెళ్లడం వెనుక ఉన్నది నా సంస్కారమే. తల్లిగా నా కర్తవ్యాన్ని నేను బాధ్యతతో నిర్వర్తిస్తున్నాను” అని తెలిపారు. అందుకే తన పెంపకాన్ని ఎవరూ వేలెత్తి చూపే అవకాశం ఇవ్వకూడదనే ఉద్దేశంతోనే అకీరా, ఆద్యలను మొదట్నుంచి క్రమశిక్షణతో పెంచుతున్నట్లు ఆమె వివరించారు.