Russia Sanctions Bill | భారత్‌కు ట్రంప్ భారీ షాక్.. రష్యా నుంచి చమురు కొంటే 500 శాతం పన్ను

Russia Sanctions Bill | అమెరికా ప్రెసిడెంట్ డొనాల్డ్ ట్రంప్ మరోసారి భారత్కి షాకిచ్చాడు. భారత్తో పాటు చైనాకు గట్టి హెచ్చరికలు జారీ చేశాడు. రష్యా నుంచి చమురు, ఇతర పెట్రోలియం ఉత్పత్తులను కొనుగోలు చేసే దేశాలపై ఏకంగా 500 శాతం వరకు దిగుమతి సుంకాలు(Tariffs) విధించేలా రూపొందించిన కొత్త బిల్లుకు ట్రంప్ పచ్చజెండా ఊపారు. 'శాంక్షనింగ్ రష్యా యాక్ట్ ఆఫ్ 2025' (Sanctioning Russia Act of 2025) పేరుతో వస్తున్న ఈ చట్టం భారత్ వంటి దేశాల ఆర్థిక వ్యవస్థపై తీవ్ర ప్రభావం చూపే అవకాశం ఉంది. బిల్లు ఉద్దేశం ఏంటి? ఉక్రెయిన్తో యుద్ధం చేస్తున్న రష్యాకు ఆర్థికంగా ఊపిరి పోస్తున్న దేశాలను కట్టడి చేయడమే ఈ బిల్లు ప్రధాన లక్ష్యం. "రష్యా నుంచి చౌకగా చమురు కొంటూ పుతిన్ యుద్ధ యంత్రాంగానికి నిధులు సమకూరుస్తున్న దేశాలను శిక్షించే అధికారం ఈ బిల్లు ద్వారా ట్రంప్కి లభిస్తుంది" అని యూఎస్ సెనేటర్ లిండ్సే గ్రాహమ్ స్పష్టం చేశారు. భారత్, చైనా, బ్రెజిల్ వంటి దేశాలు రష్యా నుంచి చమురు కొనడం ఆపేలా ఒత్తిడి తెచ్చేందుకు ఈ 500 శాతం పన్నును ఒక ఆయుధంగా వాడాలని అమెరికా భావిస్తోంది. భారత్పై ప్రభావం ఎంత? ప్రస్తుతం రష్యా నుంచి ముడి చమురు దిగుమతి చేసుకుంటున్న దేశాల్లో భారత్ అగ్రస్థానంలో ఉంది. ఇప్పటికే అమెరికా విధించిన 25 శాతం అదనపు సుంకాలను తొలగించాలని అమెరికాకు భారత రాయబారి వినయ్ మోహన్ క్వాత్రా అమెరికా ప్రతినిధులను కోరారు. రష్యా నుంచి ఆయిల్ దిగుమతులను తగ్గించామని టారిఫ్లో రిలీవ్ ఇవ్వాలని జనవరి 5న వినయ్ మోహన్ తనకు చెప్పారని యూఎస్ సెనేటర్ లిండ్సే గ్రాహమ్ స్పష్టం చేశారు. కానీ, తాజా బిల్లు ప్రకారం ఈ సుంకాలు 500 శాతానికి పెరిగితే, భారత్ నుంచి అమెరికాకు ఎగుమతి అయ్యే వస్తువుల ధరలు విపరీతంగా పెరిగి వాణిజ్యం దెబ్బతింటుంది. మోదీపై ట్రంప్ వ్యాఖ్యలు ఈ సుంకాల విషయంలో భారత ప్రధాని నరేంద్ర మోదీ అసంతృప్తిగా ఉన్నారని ట్రంప్ స్వయంగా అంగీకరించారు. "టారిఫ్ల వల్ల మోదీ నాపై సంతోషంగా లేరు. కానీ, రష్యా నుంచి చమురు దిగుమతులను భారత్ ఇప్పటికే గణనీయంగా తగ్గించింది" అని ట్రంప్ పేర్కొన్నారు. అయినప్పటికీ, రష్యా విషయంలో భారత్ తమకు సహకరించకుంటే పన్నులు మరింత పెంచుతామని ఆయన పరోక్షంగా హెచ్చరించారు. ఛీప్ ఆయిల్ కొనాల్సిన అవసరం ఏంటి? రష్యాలో లభ్యమవుతున్న చమురు క్వాలిటీ తక్కువగా ఉంటుందని యూఎస్ సెనేటర్ లిండ్సే ట్వీట్ చేశాడు. రష్యా నుంచి ఛీప్ ఆయిల్ కొనుగోలు చేయాల్సిన అవసరం ఏంటి? పుతిన్ యుద్ధానికి సాయం చేయడం కోసమే ఆ ఛీప్ ఆయిల్ను ఇండియా, చైనా లాంటి దేశాలు కొనుగోలు చేస్తున్నాయి. ఛీప్ రష్యన్ ఆయిల్ని కొనకుండా ఉంటే ఈ బిల్లు ప్రకారం ప్రెసిడెంట్ ట్రంప్ ఆయా దేశాలపై టారిఫ్లను భారీగా తగ్గించే అవకాశం కూడా ఉంది అంటూ లిండ్సే గ్రాహమ్ చెప్పుకొచ్చాడు. ఈ చట్టం అమలులోకి వస్తే, రష్యాతో భారత్ కొనసాగిస్తున్న సుదీర్ఘ వాణిజ్య సంబంధాలు, అమెరికాతో ఉన్న వ్యూహాత్మక భాగస్వామ్యం మధ్య సమతుల్యత పాటించడం న్యూఢిల్లీకి పెను సవాలుగా మారనుంది. After a very productive meeting today with President Trump on a variety of issues, he greenlit the bipartisan Russia sanctions bill that I have been working on for months with Senator Blumenthal and many others. This will be well-timed, as Ukraine is making concessions for peace… — Lindsey Graham (@LindseyGrahamSC) January 7, 2026

Russia Sanctions Bill | భారత్‌కు ట్రంప్ భారీ షాక్.. రష్యా నుంచి చమురు కొంటే 500 శాతం పన్ను

FOLLOW US

సంక్షిప్త సారాంశం

ట్యాగ్స్:

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Harish Rao | థియేట‌ర్ ఓపెనింగ్‌కు వ‌చ్చే రేవంత్‌కు నిరుద్యోగుల‌ను క‌లిసే ద‌మ్ముందా: హ‌రీశ్‌రావు

ICC | బంగ్లాదేశ్ క్రికెట్ బోర్డు మళ్లీ విజ్ఞ‌ప్తి.. అయినా ప‌ట్టించుకోని ఐసీసీ..?

KTR | రేవంత్‌ది సీరియ‌ల్ స్నాచ‌ర్స్ ప్ర‌భుత్వం.. మండిప‌డ్డ కేటీఆర్

POPULAR LINKS

Jana Nayagan | విజ‌య్ జ‌న నాయ‌గ‌న్ విడుద‌ల‌కు లైన్ క్లియ‌ర్‌.. జ‌న‌వ‌రి 14న థియేట‌ర్ల‌లోకి?

MANNU | రేవంత్ రెడ్డి రియ‌ల్ ఎస్టేట్ బ్రోక‌ర్.. ఉర్దూ యూనివ‌ర్సిటీ విద్యార్థుల ఆగ్ర‌హం