Trishuli River Flood | నేపాల్‌లో మళ్లీ వరద బీభత్సం: త్రిశూలీ నది ఉగ్రరూపం.. పేకమేడలా కొట్టుకుపోయిన బ్రిడ్జి

Trishuli River Flood | త్రినేత్ర.న్యూస్ : నేపాల్‌ (Nepal)లో ప్రకృతి ప్రకోపం కొనసాగుతూనే ఉంది. తాజాగా ఆదివారం ఉదయం త్రిశూలీ నది (Trishuli River) మరోసారి ఉగ్రరూపం దాల్చింది. వరద ఉధృతికి ధాదింగ్, గూర్ఖా జిల్లాలను కలిపే కీలకమైన సస్పెన్షన్ బ్రిడ్జి కళ్లెదుటే నీటిలో కొట్టుకుపోయింది. మరోవైపు నీటిమట్టం అమాంతం పెరగడంతో రెస్క్యూ ఆపరేషన్స్ కోసం అధికారులు ఏకంగా హెలికాప్టర్లను రంగంలోకి దించారు.

నీటిలో కొట్టుకుపోయిన వంతెన

ధాదింగ్ జిల్లాలోని చరౌండి (Charaundi), గూర్ఖా జిల్లాలోని గ్యాల్‌చోక్ ప్రాంతాలను కలిపే ఈ వంతెన స్థానికులకు అత్యంత కీలకం. నదిలో వరద ప్రవాహం ఒక్కసారిగా పెరగడంతో ఈ సస్పెన్షన్ బ్రిడ్జి (Suspension bridge) పేకమేడలా వరదల్లో కొట్టుకుపోయింది. దీనికి సంబంధించిన వీడియో (video footage) ప్రస్తుతం వైరల్ అవుతోంది. ఈ ప్రాంతం రివర్ రాఫ్టింగ్, బీచ్ క్యాంపింగ్‌కు చాలా ఫేమస్. వంతెన కూలిపోవడంతో రెండు జిల్లాల మధ్య రాకపోకలు పూర్తిగా నిలిచిపోయాయి. నది ఒడ్డున ఉన్న ఇతర భౌతిక నిర్మాణాలు కూడా ధ్వంసమయ్యాయి.

రంగంలోకి హెలికాప్టర్లు

మరోవైపు అప్పర్ త్రిశూలీ-3ఏ (Upper Trishuli-3A) ప్రాజెక్టు వద్ద పరిస్థితి మరింత భయానకంగా మారింది. తెల్లవారుజామున 4 గంటలకే నది నీటిమట్టం 5 నుంచి 10 మీటర్ల మేర పెరగడంతో సహాయక చర్యలకు తీవ్ర ఆటంకం ఏర్పడింది. వరద ధాటికి ప్రాజెక్టు అంచులు కోతకు గురవుతున్నాయి. రోడ్లన్నీ ధ్వంసమవడంతో బురదలో కూరుకుపోయిన 19 సీసీటీవీ (CCTV) కెమెరాలు, ఇతర టెక్నికల్ పరికరాలను బయటకు తీయడం సవాలుగా మారింది. దీంతో అధికారులు నేరుగా హెలికాప్టర్లను (Helicopters) ఉపయోగించి రికవరీ పనులను ముమ్మరం చేశారు.

అప్రమత్తమైన అధికారులు

ఆగస్టు 26న వచ్చిన భారీ వరదల తర్వాత మళ్లీ అదే స్థాయిలో వరదలు పోటెత్తడంతో నేపాల్ అధికార యంత్రాంగం అలర్ట్ అయ్యింది. ఆదివారం ఉదయం భోటేకోశీ నదిలో నీటిమట్టం పెరగడం ప్రారంభం కావడంతో.. రసువా, నువాకోట్, ధాదింగ్ జిల్లాల్లోని నదీ పరివాహక ప్రాంతాల ప్రజలు అప్రమత్తంగా ఉండాలని ఫ్లడ్ ఫోర్‌కాస్టింగ్ డివిజన్ (Flood Forecasting Division) హెచ్చరికలు జారీ చేసింది.

भर्खरै धादिङको बेनीघाट रोराङ गाउँपालिका-७ चरौंदी र गोरखाको गण्डकी गाउँपालिका-८ घ्याल्चोक जोड्ने झोलुङ्गे पुल बाढीले बगाएको छ।😴#nepal #highlight #everyoneシ゚ pic.twitter.com/miLk7s721g

— Nirmal Prasai🇳🇵 (@NirmalPrasai5) August 30, 2026

चरौंदि - घ्यालचोक जोड्ने झोलुंगे पुलको टावर भत्केर क्षतिग्रस्त....

बजार तलको सहकारी समेत बगाएको अवस्था..... pic.twitter.com/3IMGXNe7xt

— बिज्ञान लोहनी (@B_lohani) August 30, 2026