Earthquake | దక్షిణ పసిఫిక్ మహాసముద్రంలో భారీ భూకంపం.. 6.1 తీవ్ర‌త‌

Earthquake | త్రినేత్ర‌.న్యూస్‌: దక్షిణ పసిఫిక్ మహాసముద్రంలో (Pacific Ocean) భారీ భూకంపం (Earthquake) వ‌చ్చింది. ఆదివారం రాత్రి 6.1 తీవ్రతతో భూమి కంపించింది. సముద్రంలోని 10 కిలోమీటర్ల లోతులో క‌ద‌లిక‌లు సంభ‌వించాయ‌ని నేషనల్ సెంటర్ ఫర్ సిస్మాలజీ (NCS) తెలిపింది.

పసిఫిక్ మహాసముద్రం చుట్టూ ఉన్న సర్కం-పసిఫిక్ సిస్మిక్ బెల్ట్ ప్రపంచంలోనే అతిపెద్ద భూకంప ప్రాంతం. దీనిని రింగ్ ఆఫ్ ఫైర్ (Ring of Fire) అని పిలుస్తారు. ప్రపంచంలోని 81శాతం భూకంపాలు ఈ ప్రాంతంలోనే సంభవిస్తాయి.

https://x.com/NCS_Earthquake/status/2035763156568645861

ప‌సిఫిక్ మ‌హాస‌ముద్రంలో గ‌త నెల 11న భారీ భూకంపం వ‌చ్చింది. 6.0 తీవ్ర‌త‌తో భూమి కంపించ‌డంతో సముద్రం అల్ల‌కల్లోలంగా మారింది. దీంతో తీరప్రాంత దేశాలు వ‌ణికిపోయాయి. స‌ముద్ర ఉప‌రిత‌లం నుంచి 515 కిలోమీట‌ర్ల లోతులో టెక్టానిక్ ప్లేట్ల‌లో క‌ద‌లిక‌లు సంభ‌వించ‌డంతో భూమి ప్ర‌కోపించింది. దీని ప్ర‌భావం ఫిజి, టోంగా, సమోవా, న్యూకాలెడోనియా, కుక్ ఐలండ్స్, ఫ్రెంచ్ పాలినేసియా, నార్ ఫోక్ ఐలండ్స్, సొలొమన్ ఐలండ్స్ పై పడింది.