Weather Report | హైద‌రాబాదీల‌కు గుడ్‌న్యూస్.. రాబోయే రెండు రోజులు చ‌ల్ల‌ని వాతావ‌ర‌ణం..!

Weather Report | త్రినేత్ర‌.న్యూస్ : హైద‌రాబాద్ న‌గ‌ర ప్ర‌జ‌ల‌కు శుభ‌వార్త‌. మండుటెండ‌ల‌కు ఉక్క‌పోతతో ఉక్కిరిబిక్కిరి అవుతున్న న‌గ‌ర ప్ర‌జ‌ల‌కు వాతావ‌ర‌ణ శాఖ చ‌ల్ల‌ని క‌బురు అందించింది. రాబోయే రెండు రోజుల పాటు న‌గ‌రంలో అత్య‌ల్ప ఉష్ణోగ్ర‌త‌లు న‌మోద‌య్యే అవ‌కాశం ఉంద‌ని పేర్కొంది.

ఆది, సోమ‌వారాల్లో ఉద‌యం వేళ ఆకాశం మేఘావృత‌మై ఉండ‌నుంది. మ‌ధ్యాహ్నం స‌మ‌యం నాటికి 36 డిగ్రీల సెల్సియ‌స్ ఉష్ణోగ్ర‌త‌లు న‌మోద‌య్యే అవ‌కాశం ఉంది. రాత్రి స‌మ‌యానికి 25 డిగ్రీల సెల్సియ‌స్‌కు ఉష్ణోగ్ర‌త‌లు త‌గ్గే అవ‌కాశం ఉంద‌ని వాతావ‌ర‌ణ శాఖ తెలిపింది. సోమ‌వారం కూడా ఇదే ఉష్ణోగ్ర‌త‌లు కొన‌సాగే అవ‌కాశం ఉంది.

ఆదివారం రోజు రాష్ట్రంలోని ప‌లు ప్రాంతాల్లో తేలిక‌పాటి వ‌ర్షాలు కురిసే అవ‌కాశం ఉంది. బ‌ల‌మైన ఈదురుగాలులు కూడా వీచే అవ‌కాశం ఉంద‌న్నారు. ఆదిలాబాద్, నిర్మ‌ల్, నిజామాబాద్, వికారాబాద్, సంగారెడ్డి, మెద‌క్, కామారెడ్డి, మ‌హ‌బూబ్‌న‌గ‌ర్, నాగ‌ర్‌క‌ర్నూల్ జిల్లాల్లో వ‌ర్షాలు కురిసే అవ‌కాశం ఉంది.