Traffic Restrictions | ఎన్టీఆర్ స్టేడియం వ‌ద్ద 15 రోజుల పాటు ట్రాఫిక్ ఆంక్ష‌లు

Traffic Restrictions | త్రినేత్ర న్యూస్ : హైదరాబాద్ ఇందిరా పార్క్ ఎదురుగా ఉన్న ఎన్టీఆర్ (NTR) స్టేడియంలో ఈ నెల 14 నుంచి 30వ తేదీ వ‌ర‌కు జరగనున్న “కోటి దీపోత్సవం” కార్యక్రమం నిర్వ‌హిస్తున్నారు. ఈ కార్య‌క్ర‌మానికి భ‌క్తులు పెద్ద సంఖ్య‌లో త‌ర‌లివ‌చ్చే అవ‌కాశం ఉన్నందున‌.. ప్ర‌తి రోజు మ‌ధ్యాహ్నం 3 గంట‌ల నుంచి రాత్రి 11 గంట‌ల వ‌ర‌కు ట్రాఫిక్ ఆంక్ష‌లు విధిస్తున్న‌ట్లు ట్రాఫిక్ పోలీసులు తెలిపారు. క‌ట్ట మైస‌మ్మ టెంపుల్ నుంచి ఇందిరా పార్క్ చౌర‌స్తా, అశోక్ న‌గ‌ర్ నాలా వ‌ర‌కు ట్రాఫిక్ స‌మ‌స్య ఏర్ప‌డే అవ‌కాశం ఉన్నందున వాహ‌న‌దారులు ప్ర‌త్యామ్నాయ మార్గాల‌ను ఎంపిక చేసుకోవాల‌ని పోలీసులు సూచించారు.

ట్రాఫిక్ మ‌ళ్లింపులు ఇలా..

• తెలంగాణ తల్లి ఫ్లైఓవర్ నుండి స్టీల్ బ్రిడ్జి వైపు వచ్చే ట్రాఫిక్‌ను అనుమతించరు. ఈ వాహనాలను కట్ట మైసమ్మ దేవాలయం వద్ద నుండి ధోబీ ఘాట్ – డీబీఆర్ మిల్స్ (DBR Mills) – గాంధీ నగర్ టీ-జంక్షన్ – కవాడిగూడ – సీజీఓ టవర్స్ (CGO Towers) – ముషీరాబాద్ చౌరస్తా వైపు మళ్లిస్తారు.
• అశోక్ నగర్ చౌరస్తా నుండి కట్ట మైసమ్మ దేవాలయం వైపు వచ్చే ట్రాఫిక్‌ను అనుమతించరు. ఈ వాహనాలను అశోక్ నగర్ చౌరస్తా వద్ద నుండి హిమాయత్ నగర్ స్ట్రీట్ నెం. 9 వైపు మళ్లిస్తారు.