Traffic Restrictions | ఈ నెల 22 వ‌ర‌కు హైద‌రాబాద్‌లో ట్రాఫిక్ ఆంక్ష‌లు

Traffic Restrictions | త్రినేత్ర న్యూస్ : మెహిదీప‌ట్నంలోని పీవీఎన్ఆర్ ఎక్స్‌ప్రెస్ వే( PVNR Express Way ) పిల్ల‌ర్ నంబ‌ర్ 37 వ‌ద్ద సీసీ రోడ్డు లేయింగ్ వ‌ర్క్ ప‌నుల నిమిత్తం ట్రాఫిక్ ఆంక్ష‌లు( Traffic Restrictions ) విధించిన‌ట్లు పోలీసులు తెలిపారు. ఈ ట్రాఫిక్ ఆంక్ష‌లు అక్టోబ‌ర్ 22(గురువారం) వ‌ర‌కు కొన‌సాగుతాయ‌ని పోలీసులు వెల్ల‌డించారు. ఈ క్ర‌మంలో వాహ‌న‌దారులు ప్ర‌త్యామ్నాయ మార్గాల‌ను ఎంచుకోవాల‌ని సూచించారు.

ట్రాఫిక్ మ‌ళ్లింపులు ఇలా..

• అత్తాపూర్ నుంచి నాంప‌ల్లి వైపు వెళ్లే వాహ‌న‌దారులు.. పిల్ల‌ర్ నంబ‌ర్ 92 వ‌ద్ద డైవ‌ర్ష‌న్ తీసుకుని 100 ఫీట్ రోడ్ - పురానాపూల్ - జుమ్మెర‌త్ బ‌జార్ మీదుగా నాంప‌ల్లి చేరుకోవాలి.
• షేక్‌పేట్ నుంచి పిల్ల‌ర్ నంబ‌ర్ 31 మీదుగా అత్తాపూర్ వెళ్లే వాహ‌న‌దారులు.. నాన‌ల్ న‌గ‌ర్ వ‌ద్ద రైట్ డైవ‌ర్ష‌న్ తీసుకుని బాలిక భ‌వ‌న్ జంక్ష‌న్, ల‌క్ష్మీన‌గ‌ర్‌, అత్తాపూర్ రోడ్ మీదుగా చేరుకోవాలి.
• షేక్‌పేట్ నుంచి స‌న్ సిటీ, లంగ‌ర్‌హౌజ్ వైపు వెళ్లే వాహ‌న‌దారులు.. నాన‌ల్ న‌గ‌ర్ ఎక్స్ రోడ్ వ‌ద్ద డైవ‌ర్ష‌న్ తీసుకుని కేఎఫ్‌సీ యూ ట‌ర్న్, షేక్‌పేట నాలా, బంజారి ద‌ర్వాజా, మ‌క్కి ద‌ర్వాజా, రామ్‌దేవ్‌గూడ‌, టిప్పు ఖాన్ జంక్ష‌న్ మీదుగా చేరుకోవాలి.
• ల‌క్డీకాపూల్ నుంచి రేతిబౌలి మీదుగా అత్తాపూర్ వైపు వెళ్లే వాహ‌న‌దారులు.. అజిజియా మ‌సీదు వ‌ద్ద డైవ‌ర్ష‌న్ తీసుకుని మేరాజ్ జంక్ష‌న్ కేఫ్, యాద‌వ్ భ‌వ‌న్, గుడి మ‌ల్కాపూర్, పిల్ల‌ర్ నంబ‌ర్ 68, అత్తాపూర్ రోడ్డు మీదుగా చేరుకోవాలి.