Special Police Officers | క్లూస్ టీమ్‌లో స్పెష‌ల్ పోలీసు ఆఫీస‌ర్స్ నియామ‌కం.. ఎల్లుండే చివ‌రి తేదీ..!

Special Police Officers | త్రినేత్ర‌.న్యూస్ : హైదరాబాద్ సిటీ పోలీస్ 'క్లూస్ టీమ్'లో స్పెషల్ పోలీస్ ఆఫీసర్స్ (SPOs) నియామకానికి ప్ర‌క‌ట‌న వెలువ‌డింది. క్లూస్ టీమ్ నందు ఫోటోగ్రాఫర్స్/వీడియోగాఫర్స్ విభాగాలలో తాత్కాలిక ప్రాతిపదికన 17 స్పెషల్ పోలీస్ ఆఫీసర్స్ (SPOs) పోస్టుల భర్తీకి అర్హులైన అభ్యర్థుల నుండి దరఖాస్తులను ఆహ్వానిస్తున్నారు. తెలంగాణ రాష్ట్రానికి చెందిన మాజీ సైనికులు (Ex-Servicemen), మాజీ పారామిలిటరీ సిబ్బంది (Ex-Paramilitary Forces), పదవీ విరమణ పొందిన పోలీస్ అధికారులు (Retired Police Personnel) ఈ పోస్టులకు దరఖాస్తు చేసుకోవడానికి అర్హులు.

అర్హతలు, నిబంధనలు ఇవే..

సాంకేతిక పరిజ్ఞానం:

మాజీ సైనికులు మరియు మాజీ పారామిలిటరీ సిబ్బందికి ఫోటోగ్రఫీ/వీడియోగ్రఫీలో ఖచ్చితమైన అవగాహన, అనుభవం ఉండాలి.

వయోపరిమితి (31-05-2026 నాటికి):

మాజీ సైనికుల వయస్సు 58 సంవత్సరాల లోపు ఉండాలి.

గత రెండేళ్లలో పదవీ విరమణ పొందిన మాజీ పారామిలిటరీ మరియు పోలీస్ సిబ్బందికి గరిష్ట వయోపరిమితి 62 సంవత్సరాలు.

గౌరవ వేతనం: నెలకు రూ. 26,000 స్థిర పారితోషికం చెల్లించబడుతుంది. వీరికి ఎలాంటి సెలవులు (Leaves) వర్తించవు. ఒకవేళ అత్యవసర పరిస్థితుల్లో సెలవు తీసుకుంటే, ఆ రోజులకు వేతనం మినహాయించబడుతుంది (Without Pay).

కావలసిన ఒరిజినల్, జిరాక్స్ పత్రాలు ఇవే..

• అభ్యర్థులు దరఖాస్తు సమయంలో క్రింది సర్టిఫికెట్ల ఒరిజినల్స్ మరియు జిరాక్స్ ప్రతులను వెంట తీసుకురావాలి.
• డిశ్చార్జ్ బుక్ (Discharge Book) / డిశ్చార్జ్ సర్టిఫికెట్ / రిటైర్మెంట్ ఆర్డర్.
• ఆధార్ కార్డ్, పాన్ కార్డ్, ఎస్.బి.ఐ (SBI) బ్యాంక్ పాస్‌బుక్ జిరాక్స్, ఓటర్ ఐడీ మరియు కుల ధృవీకరణ పత్రం (Caste Certificate).
• మూడు (03) పాస్‌పోర్ట్ సైజు ఫోటోగ్రాఫ్‌లు.

దరఖాస్తు చేయు విధానం:

• ఆసక్తి, అర్హత కలిగిన అభ్యర్థులు హైదరాబాద్ పెట్లాబుర్జ్‌లోని 'కార్ హెడ్‌క్వార్టర్స్, SPOs కార్యాలయం' (SPOs Office, CAR Headquarters, Petlaburj, Hyderabad) ను వ్యక్తిగతంగా సందర్శించి తమ దరఖాస్తులను సమర్పించవలసి ఉంటుంది. ఫోన్ కాల్స్ ద్వారా చేసే అభ్యర్థనలు ఎట్టి పరిస్థితుల్లోనూ స్వీకరించబడవు.

దరఖాస్తు సమర్పణకు చివరి తేదీ

• మే 20 సాయంత్రం 5:00 గంటల వరకు.