Street Cause | మార్చి 1న “ర‌న్ ఫ‌ర్ కాజ్‌”

Street Cause | న‌గ‌రంలోని విద్యార్థులు న‌డిపే అతి పెద్ద స్వ‌చ్ఛంద సంస్థ "స్ట్రీట్ కాజ్" (Street Cause) త‌న నిధుల స‌మీక‌ర‌ణ‌కు మార్చి నెల 1న "ర‌న్ ఫ‌ర్ కాజ్‌" (Run for Cause) పేరుతో కార్య‌క్ర‌మాన్ని నిర్వ‌హించ‌నున్నట్లు ప్ర‌క‌టించింది. సాయంత్రం ఆరు గంట‌ల నుంచి రాత్రి ప‌ద‌కొండున్న‌ర గంట‌ల వ‌ర‌కు పీపుల్స్ ప్లాజా (People's Plaza) వేదిక‌గా ఫ్లాష్ మాబ్‌ (Flash Mob), మార‌థాన్ ర‌న్‌ (Marathon Run), గంట‌న్న‌ర బ్యాండ్ ప్ర‌ద‌ర్శ‌న‌, బ్రేక్‌ఫాస్ట్ మేళా త‌దిత‌ర కార్య‌క్ర‌మాల‌ను నిర్వ‌హిస్తామ‌ని వివ‌రించింది. 2009లో ప్రారంభ‌మైన ఈ సంస్థ ఇప్ప‌టివ‌ర‌కు రూ.5.5 కోట్ల ఖ‌ర్చుతో ప‌దిహేను వేల‌కుపైగా ప్రాజెక్టులు పూర్తి చేశామ‌ని తెలిపింది. దీని వ‌ల‌న 30 ల‌క్ష‌ల మందికి పైగా ప్ర‌జ‌లు, 273 జంతువుల‌కు ప్ర‌యోజ‌నం చేకూరింద‌ని పేర్కొంది. న‌గ‌రంలోని 30కి పైగా క‌ళాశాల‌ల నుంచి నాలుగు వేలకు పైగా వాలంటీర్లు, 45 వేల మందికి పైగా పూర్వ విద్యార్థులు స‌భ్యులుగా ఉన్నార‌ని చెప్పింది. న‌గ‌రంతో పాటు బెంగుళూరు, చెన్నై, కొచ్చి, ఢిల్లీ, ముంబై, పూణె, విశాఖ‌ప‌ట్ట‌ణంల‌లో సేవ‌లందిస్తూ జాతీయ స్థాయి స్వ‌చ్ఛంద సంస్థ‌గా మారింద‌ని స్ప‌ష్టం చేసింది. దీని నిధుల సేక‌ర‌ణ‌కు ఏడాది పొడుగునా వివిధ కార్య‌క్ర‌మాలు నిర్వ‌హిస్తామ‌ని, అందులో ప్రధాన‌మైన‌ది ర‌న్ ఫ‌ర్ కాజ్ కార్య‌క్ర‌మ‌మ‌ని పేర్కొంది. ఈ కార్య‌క్ర‌మానికి ప‌దివేల మందికిపైగా హాజ‌రవుతార‌ని అంచ‌నా వేసింది.