Fire Accident | ఫ‌ర్నీచ‌ర్ దుకాణంలో అగ్నిప్ర‌మాదం.. భారీగా ఆస్తిన‌ష్టం

Fire Accident | త్రినేత్ర‌.న్యూస్‌: హైద‌రాబాద్‌లోని చందాన‌గ‌ర్‌లో (Chanda Nagar) ఉన్న ఓ ఫ‌ర్నీచ‌ర్ దుకాణంలో (Fire Accident) భారీ అగ్నిప్ర‌మాదం జ‌రిగింది. గురువారం రాత్రి 11 గంట‌ల స‌మ‌యంలో ఫ‌ర్నీచ‌ర్ షాపులో ఒక్క‌సారిగా మంట‌లు చెల‌రేగాయి. క్ర‌మంగా అవి బిల్డింగ్ మొత్తానికి విస్త‌రించ‌డంతో భారీగా అగ్నికీల‌ల ఎగ‌సిప‌డ్డాయి.. దుకాణంలోని ఐదు అంత‌స్తుల్లో ఉన్న ఫ‌ర్నీచర్ మొత్తం కాలిబూడిదైంది. మంట‌లు ప‌క్క‌నే నిర్మాణంలో ఉన్న భ‌వ‌నానికి వ్యాపించాయి. స‌మాచారం అందుకున్న ఫైర్ సిబ్బంది ఘ‌ట‌నా స్థ‌లానికి చేరుకుని.. 7 అగ్నిమాప‌క యంత్రాలు, 11 వాట‌ర్ ట్యాంక‌ర్ల‌తో మంట‌ల‌ను అదుపులోకి తీసుకొచ్చారు.

భ‌వ‌నంలో సోఫాలు, బెడ్‌లు, టేబుల్స్ వంటి కాలే స్వ‌భావం ఉన్న ఫ‌ర్నీచ‌ర్ ఉండ‌టంతో మంటలు వేగంగా వ్యాపించినట్లు తెలుస్తున్న‌ది. మంట‌లు అంటుకోవ‌డానికి షార్ట్ సర్క్యూట్, గ్యాస్ లీకేజీ లేదా ఇతర కారణాలు ఉండవచ్చని పోలీసులు భావిస్తున్నారు. ఈ ఘ‌ట‌న‌పై కేసు న‌మోదుచేసిన పోలీసులు ద‌ర్యాప్తు చేస్తున్నారు. అగ్నిప్ర‌మాదంపై వివ‌రాలు సేక‌రిస్తున్నారు.

కాగా, రాత్రి 11 గంటల ప్రాంతంలో ప్రమాదం జరిగినట్లు త‌మ‌కు సమాచారం అందింద‌ని బాలానగర్‌ ఏసీపీ తెలిపారు. అగ్నిమాపక శాఖ, ట్రాఫిక్‌ సమన్వయంతో ప్రమాదాన్ని తగ్గించగ‌లిమాన్నారు. మంటలు ఇతర దుకాణాలకు వ్యాపించకుండా కట్టడి చేశామ‌ని చెప్పారు. ఈ ప్రమాదంలో ఎలాంటి ప్రాణనష్టం జ‌రుగ‌లేద‌ని పేర్కొన్నారు. అగ్నిప్రమాదంలో ఆస్తినష్టం అంచనా వేస్తున్నామ‌న్నారు.

ఇవికూడా చ‌ద‌వండి..

16 నుంచి వారం రోజుల‌పాటు వాన‌లు.. ప‌లు జిల్లాల‌కు ఎల్లో అల‌ర్ట్‌

నేను కృష్ణ అభిమానిని.. లారీ ఎక్కి వనపర్తికి వెళ్లి సినిమాలు చూసేవాడిని : రేవంత్ రెడ్డి

ముందే మొదలైన ఎండల భగభగ.. దేశంలో 75 శాతం ప్రజలకు తీవ్ర ముప్పు: రికార్డులు బద్దలు కొడుతున్న ఉష్ణోగ్రతలు