Miss England Allegations Congress | దీనికి ఏమైనా సమాధానం ఉందా మిస్టర్ రాహుల్ గాంధీ?

• అసెంబ్లీ ఎంట్రీ పాయింట్ వద్ద జరిగిన ఆందోళన నేపథ్యంలో బీఆర్ఎస్ నేతలపై లైంగిక వేధింపుల కేసు
• కేసులు నమోదు చేయడం పట్ల సీఎంతో పాటు పోలీసుల తీరుపై కేటీఆర్ తీవ్ర ఆగ్రహం
• ఈ తప్పుడు కేసులను న్యాయస్థానంలోనే ఎదుర్కొంటామని స్పష్టీకరణ
• గతంలో కాంగ్రెస్ నేతలపై మిస్ ఇంగ్లాండ్ చేసిన ఆరోపణలు ఏమయ్యాయని డీజీపీ, రాహుల్ గాంధీకి కేటీఆర్ సూటి ప్రశ్న

Miss England Allegations Congress | తెలంగాణ అసెంబ్లీ గేటు వద్ద జరిగిన నిరసన కార్యక్రమంలో బీఆర్ఎస్ (BRS) ఎమ్మెల్యేలు, ఎమ్మెల్సీలపై పోలీసులు లైంగిక వేధింపుల కేసులు నమోదు చేయడం రాజకీయంగా దుమారం రేపుతోంది. ఈ వ్యవహారంపై బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ (KTR) ఎక్స్ వేదికగా తీవ్ర స్థాయిలో స్పందించారు. రాష్ట్ర ముఖ్యమంత్రి తీరును ఎండగడుతూ, చట్టాన్ని దుర్వినియోగం చేస్తూ ప్రతిపక్ష నేతలపై ఇలాంటి కేసులు బనాయించడం దిగ్భ్రాంతికరమని ఆవేదన వ్యక్తం చేశారు.

కోర్టులోనే తేల్చుకుంటాం

"తెలంగాణలోని ఆ చీప్ మినిస్టర్.. అసెంబ్లీ ఎంట్రీ పాయింట్ వద్ద జరిగిన తోపులాట నేపథ్యంలో బీఆర్ఎస్ ఎమ్మెల్యేలు, ఎమ్మెల్సీలపై తన పోలీసుల చేత లైంగిక వేధింపుల (harassment) కేసు నమోదు చేయించారు. ఇది చట్టాన్ని దారుణంగా దుర్వినియోగం చేయడమే" అని కేటీఆర్ మండిపడ్డారు. అయితే ప్రభుత్వం బనాయించిన ఈ చెత్త కేసులను (Rubbish cases) తాము న్యాయస్థానంలోనే దీటుగా ఎదుర్కొంటామని ఆయన స్పష్టం చేశారు.

మిస్ ఇంగ్లాండ్ ఆరోపణలు ఏమయ్యాయి డీజీపీ గారూ?

ఈ సందర్భంగా రాష్ట్ర డీజీపీని (DGP) ఉద్దేశించి కేటీఆర్ ఓ కీలక అంశాన్ని ప్రస్తావించారు. "హైదరాబాద్‌లో జరిగిన మిస్ వరల్డ్ (Miss World) కాంటెస్ట్ సమయంలో కాంగ్రెస్ నేతలు తన పట్ల అసభ్యంగా ప్రవర్తించారని మిస్ ఇంగ్లాండ్ చేసిన లైంగిక వేధింపుల ఆరోపణల వ్యవహారం ఏమైంది?" అని ఆయన ప్రశ్నించారు. ఆ కేసులో ఆరోపణలు ఎదుర్కొంటున్న వారిని తెలంగాణ పోలీసులు ఇలాగే వెనకేసుకొస్తారా అని నిలదీశారు.

రాహుల్ గాంధీకి కేటీఆర్ సూటి ప్రశ్న

మిస్ ఇంగ్లాండ్ చేసిన ఆరోపణలకు సంబంధించి అంతర్జాతీయ మీడియాలో వచ్చిన కథనాల క్లిప్పింగ్స్ లను తన ట్వీట్‌కు జత చేసిన కేటీఆర్.. నేరుగా కాంగ్రెస్ అగ్రనేత రాహుల్ గాంధీని (Rahul Gandhi) ట్యాగ్ చేశారు. "దీనికి ఏమైనా సమాధానం ఉందా మిస్టర్ రాహుల్ గాంధీ?" అంటూ ప్రశ్నించారు. ఒకవైపు కాంగ్రెస్ నేతలపై వచ్చిన తీవ్ర ఆరోపణలను పట్టించుకోకుండా.. నిరసన తెలిపిన బీఆర్ఎస్ నేతలపై ఉద్దేశపూర్వకంగా కేసులు నమోదు చేయడం ఏంటన్నది కేటీఆర్ ప్రధాన వాదన. దీనిపై కాంగ్రెస్ నేతలు ఎలా స్పందిస్తారో వేచి చూడాలి.

The cheap minister of Telangana made his police file a sexual harassment case on BRS MLAs and MLCs in the context of the melee at assembly entry point !!! Shocking abuse of law

We of course will fight this rubbish cases in court of law

But let me ask @TelanganaDGP Garu… pic.twitter.com/dGxvJrSibA

— KTR (@KTRBRS) September 12, 2026