Drugs Party | హైద‌రాబాద్‌లో డ్ర‌గ్స్ క‌ల‌క‌లం.. గ‌చ్చిబౌలిలో ఏడుగురిని అదుపులోకి తీసుకున్న పోలీసులు..!

Drugs Party | హైద‌రాబాద్‌లో మ‌రోసారి డ్ర‌గ్స్ క‌ల‌క‌లం సృష్టించాయి. గ‌చ్చిబౌలి ప్రాంతంలో ఓ స్టార్ జ‌రుగుతున్న డ్ర‌గ్స్ పార్టీని పోలీసులు భ‌గ్నం చేశారు. ఈగిల్ ఫోర్స్, పోలీసులతో కలిసి సంయుక్తంగా దాడులు జ‌రిపి, ప‌లువురు యువ‌కుల‌ను అదుపులోకి తీసుకున్నారు. సైబ‌రాబాద్ క‌మిష‌న‌రేట్ ప‌రిధిలోని గ‌చ్చిబౌలి మ‌సీద్ బండా ప్రాంతంలోని కోవ్ స్టేస్ (Kove Stays) హోటల్‌లో డ్రగ్ పార్టీ జ‌రుగుతున్న‌ట్లుగా మంగ‌ళ‌వారం రాత్రి పోలీసుల‌కు ప‌క్కా స‌మాచారం అందింది. దాంతో పోలీసులు రంగంలోకి దిగి రూమ్ నెంబర్ 309లో ఈగిల్ ఫోర్స్, పోలీసులు త‌నిఖీలు నిర్వ‌హించారు. ఏడుగురు యువ‌కులు మ‌ద్యం సేవిస్తున్న‌ట్లుగా గుర్తించారు.

గ‌దిలో త‌నిఖీలు చేసినా మ‌త్తు ప‌దార్థాలు భౌతికంగా దొర‌క‌లేదు. అనుమానం వ‌చ్చి అంద‌రికీ యూరిన్ డ్ర‌గ్ టెస్ట్ నిర్వ‌హించ‌గా.. ప‌రీక్ష‌ల్లో గంజాయి సేవించిన‌ట్లుగా పాజిటివ్ రిపోర్ట్ వ‌చ్చింది. అదే రోజు గంజాయి సేవించిన‌ట్లుగా స‌ద‌రు యువ‌కులు అంగీక‌రించిన‌ట్లుగా పోలీసులు తెలిపారు. పట్టుబడిన వారిని మెఘేందర్ (29), తేజేశ్వర్ (28), సాయి ప్రసాద్ (28), రమేష్ (27), టీ రవి (27)గా గుర్తించారు. ఓ వివాహ వేడుక‌లో పాల్గొన్నామ‌ని.. అప్ప‌టి నుంచే గంజాయికి అల‌వాటు ప‌డ్డ‌ట్లుగా యువ‌కులు చెప్పార‌ని పోలీసు వ‌ర్గాలు తెలిపాయి. ఆ అల‌వాటు క్ర‌మంగా కొన‌సాగుతుంద‌ని, తాజాగా రీయూనియ‌న్ జ‌రుపుకునే ఉద్దేశంతో కోవ్ స్టేస్ హోటల్‌లో పార్టీ చేసుకుంటున్న‌ట్లుగా స‌మాచారం. గంజాయి వ్య‌వ‌హారంపై పోలీసులు కేసు న‌మోదు చేసి ద‌రా్య‌ప్తు చేస్తున్నారు. అయితే, ఆ పార్టీలో పాల్గొన్న యువ‌కుల్లో న‌గ‌రంలో ప్ర‌ముఖ స్టార్ హోట‌ల్స్‌లో కీల‌క స్థానాల్లో ఉన్న వారు సైతం ఉన్న‌ట్లుగా తెలుస్తున్న‌ది.