Hyderabad | ఇదేం పాడుబుద్ధి.. మ‌హిళ స్నానం చేస్తుండ‌గా వీడియో

Hyderabad | త్రినేత్ర‌.న్యూస్ : ఓ యువ‌కుడు పాడు ప‌నికి పాల్ప‌డ్డాడు. మ‌హిళ స్నానం చేస్తుండ‌గా మొబైల్‌లో చిత్రీక‌రించి అడ్డంగా దొరికిపోయాడు. ఈ ఘ‌ట‌న హైద‌రాబాద్ న‌గ‌రంలోని ఫిల్మ్ న‌గ‌ర్‌లో వెలుగు చూసింది.

బాధిత మ‌హిళ త‌న నివాసంలోని బాత్రూమ్‌లో స్నానం చేస్తుండ‌గా.. ఓ యువ‌కుడు వెంటిలేట‌ర్ ద్వారా మొబైల్ ఫోన్‌లో ఆ దృశ్యాల‌ను చిత్రీక‌రించాడు. మొబైల్ ఫోన్‌ను గ‌మ‌నించిన బాధితురాలు.. త‌క్ష‌ణ‌మే త‌న భ‌ర్త‌కు చెప్పింది. అప్ర‌మ‌త్త‌మైన కుటుంబ స‌భ్యులు యువ‌కుడి ఆచూకీ కోసం గాలించ‌గా, ఎదురింట్లో ఉన్న అర‌వింద్ ఈ దారుణానికి పాల్ప‌డిన‌ట్టు గ్ర‌హించారు.

దీంతో బాధితురాలు ఫిల్మ్ న‌గ‌ర్ పోలీసుల‌కు ఫిర్యాదు చేసింది. కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు. స‌ద‌రు యువ‌కుడిని పోలీసులు అదుపులోకి తీసుకుని విచారించారు. కోర్టులో హాజ‌రు ప‌రిచిన అనంత‌రం జైలుకు త‌ర‌లించారు.