Black Coffee for Weight Loss | బ్లాక్ కాఫీతో ఫ్యాట్ కరగాలా? లివర్‌ సేఫ్‌గా ఉండాలంటే ‘అపోలో’ డాక్టర్ చెప్పిన కరెక్ట్ మోతాదు ఇదే!

జిమ్‌కి వెళ్లే ముందు బ్లాక్ కాఫీ తాగుతున్నారా? లివర్‌కు ముప్పు కలగకుండా ఫ్యాట్ కరగాలంటే రోజుకు ఎన్ని కప్పులు తాగాలో అపోలో డాక్టర్ అన్షుమన్ కౌశల్ వివరించారు.

Jagadeesh

Health | Published On Jul 21, 2026, 1.00 am IST

Black Coffee for Weight Loss | బ్లాక్ కాఫీతో ఫ్యాట్ కరగాలా? లివర్‌ సేఫ్‌గా ఉండాలంటే ‘అపోలో’ డాక్టర్ చెప్పిన కరెక్ట్ మోతాదు ఇదే!

బరువు తగ్గేందుకు జిమ్ వర్కౌట్స్‌కి ముందు బ్లాక్ కాఫీ తాగడం ప్రస్తుతం ట్రెండ్
బ్లాక్ కాఫీలోని కెఫిన్, క్లోరోజెనిక్ యాసిడ్ కాలేయం ద్వారా ఫ్యాట్‌ను సులభంగా కరిగించడంలో సహాయం
అయితే మోతాదు మించితే లివర్‌తో పాటు నాడీ వ్యవస్థపై తీవ్ర ప్రభావం పడుతుందని అపోలో డాక్టర్ హెచ్చరిక
షుగర్ లేకుండా రోజుకు 3 నుంచి 4 కప్పుల (300-400 mg కెఫిన్) బ్లాక్ కాఫీ తాగడం మాత్రమే ఆరోగ్యానికి సురక్షితం

Black Coffee for Weight Loss | త్రినేత్ర.న్యూస్ : బరువు తగ్గడం కోసం జిమ్‌ (Gym)లో వర్కౌట్స్ చేసే ముందు బ్లాక్ కాఫీ (Black coffee) తాగడం ఈమధ్య కామన్ అయిపోయింది. ఒక చేత్తో డంబెల్, మరో చేత్తో బ్లాక్ కాఫీ పట్టుకోవడం ఇప్పుడు చాలామందికి రొటీన్‌గా మారిపోయింది. ఇది త్వరగా ఫ్యాట్ కరిగించే పవర్ ఫుల్ సప్లిమెంట్‌ (Supplement) లా పనిచేస్తుందని ఎక్కువమంది నమ్ముతున్నారు. కానీ, దీని వెనక ఉన్న సైన్స్ తెలుసుకోకుండానే గుడ్డిగా ఫాలో అయిపోతున్నారని ఢిల్లీ అపోలో హాస్పిటల్స్ సర్జన్ డాక్టర్ అన్షుమన్ కౌశల్ హెచ్చరిస్తున్నారు. ప్రోటీన్ షేక్స్ లాగే బ్లాక్ కాఫీ కూడా వెంటనే అద్భుతాలు చేస్తుందని అనుకుంటే పొరపాటేనని.. మోతాదు మించితే లివర్ (Liver) తో పాటు ఇతర అవయవాలకు తీవ్ర నష్టం తప్పదని ఆయన తన ఇన్‌స్టాగ్రామ్ వీడియో ద్వారా వెల్లడించారు.

ఫ్యాట్ కరిగించడంలో బ్లాక్ కాఫీ ఎలా పనిచేస్తుంది?

బ్లాక్ కాఫీ బరువు తగ్గడానికి (Weight loss) కచ్చితంగా సహాయపడుతుంది. అయితే అదొక మ్యాజిక్ లాగా వెంటనే జరగదు. కాఫీ మన శరీరంలోని జీవక్రియను (Metabolism) అద్భుతంగా మెరుగుపరుస్తుంది. ఇందులోని కెఫిన్ (Caffeine), క్లోరోజెనిక్ యాసిడ్ అనేవి కాలేయం ఫ్యాట్‌ను సులభంగా ప్రాసెస్ చేసేలా చేస్తాయి. రోజుకు సరైన మోతాదులో తీసుకుంటే ఇది లివర్ ఫ్యాట్‌ను తగ్గించి.. ఎంజైమ్ లెవల్స్‌ను మెరుగుపరుస్తుందని డాక్టర్ కౌశల్ వివరించారు. ఇది కణాల్లో పేరుకుపోయిన కొవ్వును క్లీన్ చేయడానికి ఒక నాచురల్ ప్రాసెస్ లాగా ఉపయోగపడుతుంది.

లిమిట్ క్రాస్ అయితే ఏమవుతుంది?

మెటబాలిజంను పెంచే కెఫిన్ మోతాదు మించితే.. అది శరీరంలో స్ట్రెస్ (Stress) లెవల్స్‌ను అమాంతం పెంచుతుందని డాక్టర్ హెచ్చరించారు. దీనివల్ల అడ్రినలిన్, కార్టిసాల్ హార్మోన్లు పెరిగిపోయి హార్ట్ రేట్ (Heart rate) విపరీతంగా పెరుగుతుంది. అప్పుడు శరీరం వర్కౌట్ చేసే మోడ్ నుంచి స్ట్రెస్ మోడ్‌లోకి వెళ్లిపోతుంది. కాఫీ కూడా ఒక డ్రగ్ (Drug) లాంటిదే. అది మందులా పనిచేయాలా లేక విషంలా మారాలా అనేది మనం తీసుకునే మోతాదుపైనే ఆధారపడి ఉంటుంది. కొందరు జిమ్ చేసే ముందు 6 కప్పుల వరకు తాగుతుంటారని.. దీనివల్ల కొవ్వు కరగకపోగా నిద్రలేమి, దడ, ఎసిడిటీ (Acidity), మైగ్రేన్, క్యాల్షియం లాస్ లాంటి తీవ్ర ఆరోగ్య సమస్యలు వస్తాయని ఆయన స్పష్టం చేశారు.

సేఫ్ అండ్ కరెక్ట్ డోస్ ఎంత?

ఫ్యాట్ బర్నింగ్ (Fat burning) సురక్షితంగా జరగాలంటే రోజుకు 3 నుంచి 4 కప్పుల బ్లాక్ కాఫీ మాత్రమే తాగాలని డాక్టర్ కౌశల్ సూచించారు. అంటే శరీరంలోకి సుమారు 300-400 mg కెఫిన్ మాత్రమే వెళ్లాలి. ఇదే మనిషికి గరిష్ట సురక్షిత మోతాదు. అంతకుమించి తాగితే మెటబాలిజం వేగవంతం కాకపోగా.. నెర్వస్ సిస్టమ్ (Nervous system) దెబ్బతింటుంది. అందులోనూ పంచదార, క్రీమ్ లాంటివి కలపకుండా (Unsweetened) కేవలం 2 నుంచి 3 కప్పులు తాగినప్పుడే సరైన ఫలితం ఉంటుంది. బరువు తగ్గడం అనేది సరైన బయోకెమిస్ట్రీ, మెటబాలిక్ సైన్స్‌పై ఆధారపడి ఉంటుందని.. కేవలం కాఫీ వల్లే రాత్రికి రాత్రే ఫ్యాట్ కరిగిపోదని గుర్తుంచుకోవాలి. లిమిట్‌లో ఉంటేనే ఏదైనా ఆరోగ్యానికి మంచిది.