Pavala Shyamala | ప్రముఖ సీనియర్ నటి పావలా శ్యామల కన్నుమూత

Pavala Shyamala | త్రినేత్ర‌.న్యూస్ : ప్ర‌ముఖ సీనియ‌ర్ న‌టి పావ‌లా శ్యామ‌ల( Pavala Shyamala ) క‌న్నుమూశారు. గ‌త కొంత‌కాలంగా అనారోగ్య స‌మ‌స్య‌ల‌తో బాధ‌ప‌డుతున్న ఆమె ఉస్మానియా ఆస్ప‌త్రి( Osmania Hospital )లో చికిత్స పొందుతూ మంగ‌ళ‌వారం తెల్ల‌వారుజామున తుదిశ్వాస విడించారు. మంగ‌ళ‌వారం 1.52 గంట‌ల‌కు ఆమెకు తీవ్ర‌మైన గుండెపోటు రావ‌డంతో మ‌ర‌ణించిన‌ట్లు ఉస్మానియా డాక్ట‌ర్లు అధికారికంగా ప్ర‌క‌టించారు.

ప్రస్తుతం ఆమె భౌతికకాయాన్ని ఆసుపత్రిలోని మార్చురీలో భద్రపరిచారు. కూతురి దీనస్థితి.. పావలా శ్యామల గత కొన్నేళ్లుగా తీవ్ర ఆర్థిక ఇబ్బందులు, వృద్ధాప్య సమస్యలతో జీవన పోరాటం సాగిస్తున్నారు. ఆమెతో పాటే ఉన్న ఆమె కుమార్తె కూడా ప్రస్తుతం తీవ్రమైన అనారోగ్య సమస్యలతో బాధపడుతున్నారు. కొన్నేండ్ల నుంచి గుండె స‌మ‌స్య‌తో బాధ‌ప‌డుతున్న శ్యామ‌ల‌ను ఐదు రోజుల క్రితం ఉస్మానియా ఆస్ప‌త్రిలో చేర్పించారు. రాత్రి తీవ్ర‌మైన గుండెపోటుతో క‌న్నుమూసింది. ఏపీలోని ప‌ల్నాడు జిల్లా అమ‌రావ‌తిలో జ‌న్మించిన నేతి శ్యామ‌ల పావ‌లా నాట‌కంతో అదే పేరుతో ప్రాచుర్యం పొందారు.