Horror OTT | తెలుగులో రిలీజైన త‌మిళ హార‌ర్ మూవీ – క్షుద్ర పూజ‌ల క‌థ‌తో – ఏ ఓటీటీలో చూడాలంటే?

Horror OTT | త‌మిళ మూవీ సాతాన్ ది డార్క్ తెలుగులో నేరుగా ఓటీటీలో రిలీజైంది. సూప‌ర్ నాచుర‌ల్ హార‌ర్ థ్రిల్ల‌ర్‌గా రూపొందిన ఈ సినిమాలో చాందిని త‌మిళ రాస‌న్‌, ఫెడ్రిక్ జాన్‌, ఐరా కీల‌క పాత్ర‌లు పోషించారు. మ‌ణికంద‌న్ రామ‌లింగం ద‌ర్శ‌క‌త్వం వ‌హించాడు.

అమెజాన్ ప్రైమ్‌....

త‌మిళంలో హార‌ర్ ఎలిమెంట్స్‌తో ప్రేక్ష‌కుల‌ను మెప్పించిన ఈ మూవీ తాజాగా తెలుగులోకి వ‌చ్చింది. సోమ‌వారం అమెజాన్ ప్రైమ్ ఓటీటీలో తెలుగు వెర్ష‌న్ రిలీజైంది.ఈ ఏడాది మార్చిలో థియేట‌ర్ల‌లో విడుద‌లైన ఈ మూవీకి సంబంధించి కాన్సెప్ట్‌, చాందిని త‌మిళ‌రాస‌న్ యాక్టింగ్ బాగున్నాయ‌నే కామెంట్స్ వ‌చ్చాయి. క్షుద్ర‌పూజల‌ కాన్సెప్ట్‌తో ద‌ర్శ‌కుడు ఈ సినిమాను తెర‌కెక్కించారు. హీరోయిన్‌గా న‌టిస్తూనే ఈ సినిమాకు ఐరా ఓ నిర్మాత‌గా వ్య‌వ‌హ‌రించింది.

ఊరిని వెంటాడిన శాపం...

హ‌స్తినాపురం ఊరిని బ్రిటీష్ కాలం నుంచి ఓ శాపం వెంటాడుతుంది. ఆ ఊరికి చెందిన మెర్సిలినాను ఓ ఆత్మ ఆవ‌హిస్తుంది. ర‌క్త‌దాహంతో ర‌గిలిపోయే ఆ ఆత్మ కార‌ణంగా ఊరు మొత్తం ప్ర‌మాదంలో ప‌డుతుంది. మెర్సిలినా కూతురు అలీషా ఆ ఆత్మ బారి నుంచి త‌న త‌ల్లిని ఎలా కాపాడుకుంది? ఆమెకు సాయం చేసిన సాగ‌ర్ ఎవ‌రు? ఊరిని వెంటాడుతున్న శాపం ఏమిటి? అన్న‌దే ఈ మూవీ క‌థ‌.

తెలుగులో...

సాతాన్ సినిమాలో హీరోయిన్‌గా న‌టించిన చాందిని త‌మిళ‌రాస‌న్ తెలుగులో చాలానే సినిమాలు చేసింది. కాళిచ‌ర‌ణ్‌, బుజ్జి ఇలా రా, ల‌వ‌ర్స్‌, కిరాక్‌తో పాటు మ‌రికొన్ని చిన్న సినిమాల్లో క‌థానాయిక‌గా క‌నిపించింది.