Comedy OTT | ఏడాది త‌ర్వాత ఓటీటీలోకి తెలుగు కామెడీ మూవీ – చిరంజీవి, ప‌వ‌న్ మ‌ధ్య గొడ‌వ‌లు వ‌స్తే…

Comedy OTT | సంపూర్ణేష్ బాబు హీరోగా న‌టించిన తెలుగు కామెడీ మూవీ సోద‌రా థియేట‌ర్ల‌లో రిలీజైన ఏడాది త‌ర్వాత ఓటీటీలోకి రాబోతుంది. అన్న‌ద‌మ్ముల అనుబంధానికి వినోదాన్ని జోడించి రూపొందించిన ఈ సినిమాలో సంపూర్ణేష్ బాబుతో పాటు సంజోష్ మ‌రో హీరోగా న‌టించాడు. ఆర్తి గుప్తా, ప్రాచి బ‌న్సాల్ హీరోయిన్లుగా న‌టించారు. సోద‌రా మూవీకి మ‌న్ మోహ‌న్ ద‌ర్శ‌క‌త్వం వ‌హించాడు.

ఆహా ఓటీటీలో...

ఈ ఎమోష‌న‌ల్ కామెడీ మూవీ ఓటీటీ రిలీజ్ డేట్ వెల్ల‌డైంది. మే 1 నుంచి ఆహా ఓటీటీలో సంపూర్ణేష్ బాబు సినిమా స్ట్రీమింగ్ కాబోతుంది. ఈ మేర‌కు ఓటీటీ ప్లాట్‌ఫామ్ అధికారికంగా ప్ర‌క‌టించింది.

తెలంగాణ బ్యాక్‌డ్రాప్‌లో...

తెలంగాణ బ్యాక్‌డ్రాప్‌లో ద‌ర్శ‌కుడు సోద‌రా మూవీని ద‌ర్శ‌కుడు మ‌న్‌మెహ‌న్ తెర‌కెక్కించారు. ఈ సినిమాలో టాలీవుడ్ సీనియ‌ర్ క‌మెడియ‌న్ బాబుమోహ‌న్‌తో పాటు కొరియోగ్రాఫ‌ర్ బాబా భాస్క‌ర్, గెట‌ప్ శీను కీల‌క పాత్ర‌ల్లో న‌టించారు. ఔట్‌డేటెడ్ కాన్సెప్ట్‌తో పాటు కామెడీ వ‌ర్క‌వుట్ కాక‌పోవ‌డంతో ఈ సినిమా ఫెయిల‌య్యింది. సోద‌ర మూవీకి సునీల్ క‌శ్య‌ప్ మ్యూజిక్ అందించాడు.

చిరంజీవి...ప‌వ‌న్ క‌ళ్యాణ్‌..

చిరంజీవి (సంపూర్ణేష్ బాబు ), పవ‌న్ క‌ళ్యాణ్ ( సంజోష్ ) అన్న‌ద‌మ్ములు. చిరంజీవి సోడా బిజినెస్ చేస్తుంటాడు. త‌మ ఎదురింట్లోకి కొత్త‌గా వ‌చ్చిన దివి అనే అమ్మాయిని చిరంజీవి, ప‌వ‌న్ ఇద్ద‌రూ ప్రేమిస్తాడు. ఆ అమ్మాయి కార‌ణంగా అన్న‌ద‌మ్ముల మ‌ధ్య విభేదాలు వ‌స్తాయి? ఆ త‌ర్వాత ఏమైంది? ఈ ఇద్ద‌రిలో దివి ఎవ‌రిని ప్రేమించింది? ప‌వ‌న్ క‌ళ్యాన్ లైఫ్‌లోకి వ‌చ్చిన భువి ఎవ‌రు? దివి కుటుంబంతో చిరంజీవి ఎందుకు గొడ‌వ‌ప‌డ్డాడు? అన్న‌దే ఈ మూవీ క‌థ‌.