Release Date | శ‌ర్వానంద్ బైక‌ర్ కొత్త రిలీజ్ డేట్ ఇదే – మూడేళ్ల త‌ర్వాత తెలుగు హీరోయిన్‌కు ఛాన్స్‌

Release Date |  సంక్రాంతి రిలీజైన‌ నారీ నారీ న‌డుమ మురారి మూవీతో లాంగ్ గ్యాప్ త‌ర్వాత పెద్ద విజ‌యాన్ని అందుకున్నారు శ‌ర్వానంద్‌. ఈ సినిమాలో త‌న కామెడీ టైమింగ్‌తో అభిమానుల‌ను ఆక‌ట్టుకున్నారు. నారీ నారీ న‌డుమ మురారి స‌క్సెస్ జోష్‌లోనే త‌న నెక్స్ట్ మూవీ బైక‌ర్‌ రిలీజ్ డేట్ చెప్పేశారు శ‌ర్వానంద్‌. స్పోర్ట్స్ బ్యాక్‌డ్రాప్‌లో ఫ్యామిలీ ఎమోష‌న‌ల్ డ్రామాగా తెర‌కెక్కుతోన్న ఈ మూవీ ఏప్రిల్ 3న ప్రేక్ష‌కుల ముందుకు రాబోతుంది. విడుద‌ల తేదీని మంగ‌ళ‌వారం వెల్ల‌డించిన మేక‌ర్స్ ఓ స్పెష‌ల్ పోస్ట‌ర్‌ను అభిమానుల‌తో పంచుకున్నారు. ఈ పోస్ట‌ర్‌లో కంప్లీట్ రేస‌ర్ లుక్‌లో శ‌ర్వానంద్ స్టైలిష్‌గా క‌నిపిస్తున్నారు.

మాళ‌వికా నాయ‌ర్ హీరోయిన్‌...

బైక‌ర్ మూవీలో శ‌ర్వానంద్ జోడీగా మాళవిక నాయర్ హీరోయిన్‌గా న‌టిస్తోంది. దాదాపు మూడేళ్ల త‌ర్వాత ఈ మూవీతో టాలీవుడ్‌లోకి రీఎంట్రీ ఇస్తోంది ఈ అచ్చ తెలుగు బ్యూటీ. ఇందులో సీనియ‌ర్ హీరో రాజ‌శేఖ‌ర్ ఓ కీల‌క పాత్ర‌లో క‌నిపించ‌బోతున్నారు. ఆయ‌న క్యారెక్ట‌ర్ స‌ర్‌ప్రైజింగ్‌గా ఉండ‌బోతున్న‌ట్లు స‌మాచారం.  బైకర్ మూవీలో శర్వానంద్ డ్యూయల్ రోల్ లో కనిపించబోతున్నట్లు ప్రచారం జరుగుతోంది.  బైక‌ర్ మూవీకి అభిలాష్ రెడ్డి కంక‌ర ద‌ర్శ‌క‌త్వం వ‌హిస్తున్నారు. యూవీ క్రియేష‌న్స్ సంస్థ ఈ సినిమాను నిర్మిస్తోంది.

మూడు జ‌న‌రేష‌న్ల క‌థ‌...

1990, 2000 కాలాల నేప‌థ్యంలో మూడు జ‌న‌రేష‌న్స్ క‌థ‌తో ఈ సినిమా సాగ‌నున్న‌ట్లు మేక‌ర్స్ వెల్ల‌డించారు. రేసింగ్ ఎలిమెంట్స్‌తో పాటు బ్యూటీఫుల్ ఫ్యామిలీ ఎమోష‌న్స్ ఉంటాయ‌ని పేర్కొన్నారు. జిబ్రాన్ ఈ సినిమాకు బ్యూజిక్ అందిస్తున్నాడు. బ్ర‌హ్మాజీ, అతుల్ కుల‌క‌ర్ణి ముఖ్య పాత్ర‌ల్లో క‌నిపించ‌బోతున్నారు.
ప్ర‌స్తుతం సంప‌త్ నందితో భోగి సినిమా షూటింగ్‌తో శ‌ర్వానంద్ బిజీగా ఉన్నాడు. తెలంగాణ బ్యాక్‌డ్రాప్‌లో పీరియాడిక‌ల్ యాక్ష‌న్ థ్రిల్ల‌ర్‌గా ఈ మూవీ తెర‌కెక్కుతోంది. భోగి మూవీలో అనుప‌మ ప‌ర‌మేశ్వ‌ర‌న్ హీరోయిన్‌గా న‌టిస్తోంది. భోగి మూవీ కూడా ఈ ఏడాదే ప్రేక్ష‌కుల ముందుకు రాబోతుంది.

సంక్రాంతి బ‌రిలో...

భోగి త‌ర్వాత డైరెక్ట‌ర్ శ్రీను వైట్ల‌తో రొమాంటిక్ ఎంట‌ర్‌టైన‌ర్ మూవీ చేయ‌బోతున్నాడు శ‌ర్వానంద్‌. మైత్రీ మూవీ మేక‌ర్స్ నిర్మించ‌నున్న ఈ మూవీ వ‌చ్చే ఏడాది సంక్రాంతికి ప్రేక్ష‌కుల ముందుకు రాబోతుంది.