Rhea Singha | టాలీవుడ్‌లోకి రియాసింఘా.. జెట్లీ మూవీతో ఎంట్రీ..!

Rhea Singha | మోడలింగ్‌ ప్రపంచంలో తనకంటూ ప్రత్యేక గుర్తింపును సొంతం చేసుకున్న రియా సింఘా ప్రస్తుతం సినీరంగంలోకి అడుగు పెడుతోంది. గతంలోనూ పలువురు మిస్‌ ఇండియా, మిస్‌ యూనివర్స్‌ పోటీల్లో నటించిన అందాల తారలు సినీరంగంలోకి ఎంట్రీ ఇచ్చిన విషయం తెలిసిందే. వారి బాటలోనే రియా సంఘా నడుస్తోంది. తొలిసారిగా తెలుగులో జెట్లీ మూవీ చేయబోతోంది. కమెడియన్‌ సత్యతో కలిసి నటించనుంది. మొదటి సినిమాలోనే యాక్షన్ రోల్ కనిపించనుంది.

చేతిలో గన్‌ పట్టుకొని సీరియస్‌గా చూస్తున్న రియా లుక్ పోస్ట్‌ విడుదల కాగా అభిమానులను ఆకర్షించింది. ఇటీవల రిలీజ్‌ చేసిన సాంగ్‌కు మంచి రెస్పాన్స్‌ వచ్చింది. ‘జెట్లీ’ సినిమాలో రియా పాత్ర గ్లామర్ మాత్రమే కాకుండా.. డైలాగ్ డెలివరీ, స్క్రీన్ ప్రెజెన్స్‌, యాక్షన్‌ తదితర అంశాల్లో మంచి స్కోప్‌ ఉందని సమాచారం. ఈ మూవీ కోసం నటనలో ప్రత్యేక శిక్షణతో పాటు డ్యాన్స్‌ ప్రాక్టీస్‌ కోసం కొద్దిరోజులు శిక్షణ తీసుకున్నట్లు సమాచారం. రియా పరిచయం అయ్యే ముందు ఆమె మోడలింగ్ 2024లో మిస్ యూనివర్స్ ఇండియా పోటీల్లో కిరీటాన్ని నెగ్గింది. అంతకు ముందు మిస్‌ టీన్‌ యూనివర్స్‌ టైటిల్‌ను సైతం సాధించింది.