Rashmika Mandanna vs Vijay Deverakonda Net Worth | రష్మిక వర్సెస్ విజయ్ దేవరకొండ: పెళ్లి వార్తల వేళ ఆస్తుల చర్చ.. ఎవరి నెట్ వర్త్ ఎక్కువో తెలుసా?

Rashmika Mandanna vs Vijay Deverakonda Net Worth | త్రినేత్ర.న్యూస్ : టాలీవుడ్ సెన్సేషనల్ స్టార్ విజయ్ దేవరకొండ, నేషనల్ క్రష్ రష్మిక మందన్నల మధ్య ఉన్న స్నేహం ఇప్పుడు బంధంగా మారబోతోంది. ఫిబ్రవరి 26న వీరి వివాహం జరగనుందంటూ ఓ వెడ్డింగ్ కార్డ్ సోషల్ మీడియాలో చక్కర్లు కొడుతోంది. ఈ క్రేజీ కపుల్ పెళ్లి గురించి వస్తున్న వార్తల మధ్య, వీరిద్దరిలో అత్యధిక ఆస్తి ఎవరికి ఉందనే ఆసక్తి అందరిలోనూ నెలకొంది.

రష్మిక మందన్న ఆస్తుల వివరాలు

కన్నడ బ్యూటీగా ఎంట్రీ ఇచ్చి 'నేషనల్ క్రష్‌'గా ఎదిగిన రష్మిక మందన్న ప్రస్తుతం ఇండియాలోనే అత్యధిక రెమ్యునరేషన్ తీసుకునే హీరోయిన్లలో ఒకరు. ఫోర్బ్స్, ఇతర నివేదికల ప్రకారం రష్మిక ఆస్తి విలువ సుమారు రూ.66 కోట్లు. 'పుష్ప 2' కోసం ఆమె దాదాపు రూ.10 కోట్లు అందుకున్నట్లు సమాచారం. సాధారణంగా ఒక్కో సినిమాకు రష్మిక రూ.4 కోట్ల నుంచి రూ.5 కోట్లు వసూలు చేస్తారు. బెంగళూరులో రూ.8 కోట్ల విలువైన విలాసవంతమైన ఇల్లు ఉంది. దీనితో పాటు ముంబై, గోవా, కూర్గ్, హైదరాబాద్‌లలో కూడా ప్రాపర్టీలు ఉన్నాయి. ఆడి Q3, రేంజ్ రోవర్ స్పోర్ట్, మెర్సిడెస్ బెంజ్ వంటి ఖరీదైన కార్లు ఆమె గ్యారేజీలో ఉన్నాయి.

విజయ్ దేవరకొండ ఆస్తుల వివరాలు

'అర్జున్ రెడ్డి' సినిమాతో యూత్ ఐకాన్‌గా మారిన విజయ్ దేవరకొండ కేవలం నటుడిగానే కాకుండా వ్యాపారవేత్తగా కూడా రాణిస్తున్నాడు. విజయ్ నికర ఆస్తి విలువ సుమారు రూ.70 కోట్లు ఉంటుందని అంచనా. ఒక్కో సినిమాకు రూ.12 కోట్ల నుంచి రూ.15 కోట్లు తీసుకునే విజయ్, బ్రాండ్ ఎండార్స్‌మెంట్స్ ద్వారా కూడా కోట్లలో సంపాదిస్తాడు. ఆయనకు 'రౌడీ వేర్' అనే బట్టల బ్రాండ్, 'కింగ్ ఆఫ్ ది హిల్' అనే ప్రొడక్షన్ హౌస్ ఉన్నాయి. హైదరాబాద్‌లోని జూబ్లీహిల్స్‌లో రూ.15 కోట్ల విలువైన భారీ భవంతిలో ఆయన తన కుటుంబంతో నివసిస్తున్నారు. బిఎమ్‌డబ్ల్యూ 5 సిరీస్, ఫోర్డ్ మస్టాంగ్, వోల్వో XC90 వంటి లగ్జరీ కార్లు విజయ్ సొంతం.

మొత్తం ఆస్తి ఎంత?

ఒకవేళ వీరిద్దరూ ఒక్కటయితే, వీరి ఉమ్మడి ఆస్తి విలువ సుమారు రూ.130 కోట్లకు పైగా ఉంటుంది. వీరిద్దరి ఆస్తులు దాదాపు సమానంగా ఉన్నప్పటికీ, విజయ్ దేవరకొండకు ఉన్న సొంత బ్రాండ్‌లు, హైదరాబాద్ ప్రాపర్టీల కారణంగా ఆయన స్వల్ప ఆధిక్యంలో ఉన్నట్లు కనిపిస్తోంది.