Priya Prakash Varrier | ఒకే ఒక్క కన్నుగీటుతో నేషనల్ క్రష్.. బాలీవుడ్‌నే ఎదిరించిన ప్రియా ప్రకాశ్ వారియర్ ఇప్పుడేం చేస్తుందో తెలుసా?

Priya Prakash Varrier | త్రినేత్ర.న్యూస్ : 2018 ప్రారంభంలో ఇంటర్నెట్‌ను షేక్ చేసిన మలయాళ సాంగ్ 'ఒరు అడార్ లవ్' మీలో చాలామందికి గుర్తుండే ఉంటుంది. ఆ వీడియోలో కన్నుగీటి కుర్రాళ్ల మనసు దోచుకున్న కేరళ కుట్టి ప్రియా ప్రకాశ్ వారియర్ (Priya Prakash Varrier) రాత్రికి రాత్రే 'నేషనల్ క్రష్'గా మారిపోయింది. కనీసం ఒక్క సినిమా కూడా రిలీజ్ కాకముందే.. ఒక్క ఇంటర్వ్యూ కూడా ఇవ్వకముందే.. కేవలం ఒకే ఒక్క ఎక్స్‌ప్రెషన్‌తో స్టార్‌డమ్ తెచ్చుకున్న ఈ బ్యూటీ, ఇప్పుడు 2026లో ఏం చేస్తోంది? బాలీవుడ్ మూవీ వివాదం ఏంటి? ఆమె రాబోయే ప్రాజెక్ట్స్ ఏంటో ఓ లుక్కేద్దాం రండి.

సౌత్ సినిమాలపై ఫోకస్

ఓవర్‌నైట్ వైరల్ అవ్వడం చాలా ఈజీ కానీ.. ఆ క్రేజ్‌ను నిలబెట్టుకోవడం చాలా కష్టం. అందుకే ప్రియా కేవలం బాలీవుడ్ ఆఫర్ల కోసం ఎదురుచూడకుండా, ఇతర భాషలపై ఫోకస్ పెట్టింది. 2025లో ధనుష్ దర్శకత్వం వహించిన 'నిలవుకు ఎన్ మేల్ ఎన్నడి కోబం' (Nilavuku En Mel Ennadi Kobam) చిత్రంతో తమిళ చిత్ర పరిశ్రమకు పరిచయమైంది. ఆ సినిమాలో 'ప్రీతి' అనే క్యారెక్టర్ చేసి తన మార్క్ చూపించింది.

ఆ తర్వాత అజిత్ కుమార్ యాక్షన్-కామెడీ 'గుడ్ బ్యాడ్ అగ్లీ' (Good Bad Ugly) చిత్రంలో 'నిత్య' అనే పాత్రలో మెప్పించింది. ముఖ్యంగా "తొట్టు తొట్టు పేసుం సుల్తానా" సాంగ్‌కు ఆడియన్స్ నుంచి అదిరిపోయే రెస్పాన్స్ వచ్చింది. అదే ఏడాది 90ల నాటి రొమాంటిక్ డ్రామా 'విష్ణుప్రియ' (Vishnu Priya) చిత్రంతో కన్నడ ఇండస్ట్రీలోనూ తన అదృష్టాన్ని పరీక్షించుకుంది. ఇలా ఒక్కో భాషను కవర్ చేస్తూ సౌత్‌లో పాగా వేసేందుకు ప్రయత్నిస్తోంది.

అజిత్‌తో స్పెషల్ బాండ్

'గుడ్ బ్యాడ్ అగ్లీ' చిత్రం తర్వాత అబుదాబిలో జరిగిన ఏషియన్ లే మాన్స్ సిరీస్ 2026లో (Asian Le Mans Series 2026) రేసింగ్ చేస్తున్న అజిత్‌ను ఆమె ప్రత్యేకంగా కలిసింది. ఆయన డెడికేషన్, ప్యాషన్‌ను ప్రశంసిస్తూ తన సోషల్ మీడియాలో ఓ వీడియోను కూడా పోస్ట్ చేసింది. తన కెరీర్ హైలైట్స్‌లో అజిత్ సార్‌తో స్క్రీన్ షేర్ చేసుకోవడం ఒకటని, ఆ అనుభవం ఎప్పటికీ మర్చిపోలేనని ప్రియా చెప్పుకొచ్చింది.

 

'పరమ్ సుందరి' కాంట్రవర్సీ: బాలీవుడ్‌కు దిమ్మతిరిగే కౌంటర్

సినిమాలపరంగా అంతా బాగానే ఉన్నా.. బాలీవుడ్ మూవీ 'పరమ్ సుందరి' (Param Sundari) చుట్టూ జరిగిన కాంట్రవర్సీ ప్రియాను వార్తల్లో నిలిపింది. సిద్ధార్థ్ మల్హోత్రా, జాన్వీ కపూర్ జంటగా నటించిన ఈ చిత్రం ఆగస్టు 2025లో విడుదలైంది. నార్త్ ఇండియన్ అబ్బాయి, సౌత్ ఇండియన్ అమ్మాయికి మధ్య జరిగే ఈ లవ్ స్టోరీలో.. కేరళ సంస్కృతిని చాలా తప్పుగా చూపించారనే విమర్శలు వచ్చాయి.

దీనికి తోడు అచ్చమైన కేరళ అమ్మాయి అయిన ప్రియా ప్రకాశ్.. కనీసం డైలాగ్స్ కూడా లేని ఓ బ్యాక్‌గ్రౌండ్ క్యారెక్టర్‌లో కనిపించడం వివాదాస్పదమైంది. "ఆమె బోనీ కపూర్ కూతురు కాదు కాబట్టి లీడ్ రోల్ రాలేదు" అంటూ రెడిట్ (Reddit) లాంటి ప్లాట్‌ఫామ్స్‌లో నెటిజన్లు ఫైర్ అయ్యారు.

దీనిపై ప్రియా స్పందిస్తూ సంచలన విషయాలు బయటపెట్టింది. ఫిబ్రవరి 2026లో షూటింగ్‌కు వెళ్లిన తొలిరోజే తాను ఆ ప్రాజెక్టు నుంచి తప్పుకున్నట్లు క్లారిటీ ఇచ్చింది. తనకు చెప్పిన కథకు, అక్కడ సెట్‌లో తన క్యారెక్టర్‌కు ఏమాత్రం పొంతన లేకపోవడం వల్లే ఆ నిర్ణయం తీసుకున్నట్లు తెలిపింది. అయితే తనకు తెలియకుండానే ఆ ఒక్కరోజు ఫుటేజీని మూవీ యూనిట్ ఓ పాటలో వాడుకుందని ఆమె ఆవేదన వ్యక్తం చేసింది.

నెక్స్ట్ ఏంటి? రణబీర్ 'రామాయణ'లో ఆఫర్!

జియోహాట్‌స్టార్‌లో (JioHotstar) స్ట్రీమింగ్ అవుతున్న బ్లాక్‌బస్టర్ మలయాళ మూవీ 'సర్వం మాయ'లో అతిథి పాత్రలో మెరిసిన ప్రియా ప్రకాశ్.. త్వరలో ఓ పాన్-ఇండియా ప్రాజెక్టులో భాగం కానుందని టాక్. నితీష్ తివారీ దర్శకత్వంలో రణబీర్ కపూర్ హీరోగా తెరకెక్కుతున్న ప్రతిష్టాత్మక 'రామాయణ' (Ramayana) సినిమాలో ఆమె ఓ స్పెషల్ రోల్ చేయనుందని సమాచారం.

'వింక్ గర్ల్' (Wink girl) అనే ట్యాగ్ నుంచి బయటపడాలని ప్రియా ఎప్పటినుంచో కోరుకుంటోంది. కేవలం ఓ మీమ్ మెటీరియల్‌గా మిగిలిపోకుండా, పర్సనాలిటీ ఉన్న నటిగా తనకంటూ ఓ మార్క్ క్రియేట్ చేసుకునే దిశగా అడుగులు వేస్తోంది.