Malavika Mohanan | ఒంట‌రిత‌నం మాన‌సికంగా తీవ్ర ప్ర‌భావం చూపించింది : మాల‌విక మోహ‌న‌న్‌

Malavika Mohanan | నటి మాల‌విక మోహనన్ ఇటీవల తన ఒంటరితనంతో ఎదురైన అనుభవాలను అభిమానులతో సోషల్ మీడియా వేదికగా పంచుకుంది. మార్చి నెల ఆమెకు మిశ్రమ అనుభూతులను ఇచ్చిందని, ముఖ్యంగా పాకెట్ నావ‌ల్‌ మూవీ షూటింగ్‌ ఎన్నో భావోద్వేగాలను ఎదుర్కొన్నట్లు తెలిపింది. దర్శకుడు థియాగరాజన్ కుమారరాజా దర్శకత్వంలో పనిచేయడం ప్రత్యేకమైన సృజనాత్మక అనుభవం ఇచ్చిందని చెప్పింది. ఆయన పని విధానం గమనించడం, మార్గదర్శకత్వంలో నటిగా ప‌ని చేయ‌డం త‌న కెరీర్‌కు ఎంత‌గానో ఉప‌యోగ‌ప‌డింద‌ని వ్యాఖ్యానించింది. షూటింగ్ కారణంగా ఎక్కువ రోజులు చెన్నైలో గడిపిన మాలవిక, ఇంటికి దూరంగా ఉండటం తనపై మానసికంగా తీవ్ర ప్రభావం చూపిందని చెప్పింది.

“రోజంతా షూటింగ్‌లో బిజీగా గడిపి, ఇంటికి తిరిగి వచ్చినప్పుడు ఒంటరిగా ఉన్నానని అనిపించిన సంద‌ర్భంలో చాలా కష్టంగా ఉంది” అని వాపోయింది. కానీ, కుటుంబ సభ్యులు చెన్నైకు వచ్చి క‌లిసిన స‌మ‌యంలో కొంత ఉపశమనం పొందినట్లు చెప్పుకొచ్చింది. ఆ సమయంలో ఇష్టమైన భోజనం ఆస్వాదించడం, కుటుంబంతో ఉండటం నాకు చాలా రిలాక్స్ అనిపించింద‌ని చెప్పింది. కుటుంబీకుల‌తో క‌లిసి చెన్నై, మహాబలిపురంలోని దేవాల‌యాల‌ను సంద‌ర్శించాన‌ని.. ఇష్టమైన ఫుడ్‌ని తీసుకొని హాయిగా స‌మ‌యాన్ని ఆస్వాదించాన‌ని తెలిపింది. ఇటీవల ముంబ‌యికి తిరిగి వ‌చ్చాన‌ని.. ఇంటికి దూరంగా ఉన్నాన‌నే భావ‌న నుంచి బ‌య‌ట ప‌డేందుకు సాయంత్రం వేళ‌ల్లో ప‌డవ ప్ర‌యాణాలు చేసిన‌ట్లుగా మాల‌విక చెప్పుకొచ్చింది.