Kaala Bhairava | కావ్య‌తో కాల‌భైర‌వ నిశ్చితార్థం.. ఫొటోలు సోష‌ల్ మీడియాలో వైర‌ల్

Kaala Bhairava | ఆస్కార్ విజేత ఎం.ఎం. కీరవాణి పెద్ద కుమారుడు, గాయకుడు-సంగీత దర్శకుడు కాలభైరవ నిశ్చితార్థం హీరోయిన్ కావ్య కల్యాణ్‌రామ్‌తో నిరాడంబరంగా జరిగింది. కుటుంబ సభ్యులు, అత్యంత సన్నిహితుల సమక్షంలో సంప్రదాయబద్ధంగా నిర్వహించిన ఈ వేడుకకు దర్శకుడు ఎస్.ఎస్. రాజమౌళి, రమా రాజమౌళి హాజరై కాబోయే వధూవరులను ఆశీర్వదించారు. ప్రస్తుతం ఈ నిశ్చితార్థానికి సంబంధించిన ఫొటోలు సోషల్ మీడియాలో వైరల్ అవుతుండగా, సినీ ప్రముఖులు, అభిమానులు కొత్త జంటకు శుభాకాంక్షలు తెలుపుతున్నారు.