Lenin OTT | థియేట‌ర్ల‌లో ఆడుతుండ‌గానే ఓటీటీలోకి అఖిల్ అక్కినేని వంద కోట్ల బ్లాక్‌బ‌స్ట‌ర్ మూవీ

Lenin OTT | లెనిన్ మూవీతో కెరీర్‌లో ఫ‌స్ట్ హిట్టును అందుకున్నాడు అక్కినేని హీరో అఖిల్‌. చిత్తూరు బ్యాక్‌డ్రాప్‌లో యాక్ష‌న్ ల‌వ్‌స్టోరీగా తెర‌కెక్కిన ఈ మూవీ థియేట‌ర్ల‌లో వంద కోట్ల‌కుపైగా వ‌సూళ్ల‌ను ద‌క్కించుకుంది. భాగ్య‌శ్రీ బోర్సే హీరోయిన్‌గా న‌టించిన లెనిన్ సినిమాకు ముర‌ళీకృష్ణ అబ్బూరు ద‌ర్శ‌క‌త్వం వ‌హించాడు. సూర్య‌దేవ‌ర నాగ‌వంశీతో క‌లిసి హీరో నాగార్జున నిర్మించాడు.zz

19 కోట్లు...

ఈ బ్లాక్‌బ‌స్ట‌ర్ మూవీ ఓటీటీ రిలీజ్ డేట్ క‌న్ఫామ్ అయ్యింది. ఆగ‌స్ట్ 7 నుంచి జీ5 ఓటీటీలో లెనిన్ స్ట్రీమింగ్ కాబోతుంది. హిట్టు టాక్ తెచ్చుకున్న లెనిన్‌ నెల రోజుల్లోనే ఓటీటీలోకి రానుండ‌టం టాలీవుడ్ వ‌ర్గాల్లో ఆస‌క్తిక‌రంగా మారింది. ఇప్ప‌టికీ కొన్ని థియేట‌ర్ల‌లో లెనిన్ ఆడుతోంది. ఈ మూవీ డిజిట‌ల్ రైట్స్‌ను 19 కోట్ల‌కు జీ5 ఓటీటీ కొనుగోలు చేసింది

కెమిస్ట్రీ హైలైట్‌

లెనిన్ మూవీకి మాస్ రోల్‌లో అఖిల్ యాక్టింగ్‌, భాగ్య‌శ్రీ బోర్సేతో అత‌డి కెమిస్ట్రీ హైలైట్‌గా నిలిచాయి. ప్ర‌మోద్ పంజు విల‌న్‌గా న‌టించిన ఈ సినిమాలో శివాజీ, ఈశ్వ‌రీరావు, బ్ర‌హ్మాజీ కీల‌క పాత్ర‌ల్లో న‌టించారు. త‌మ‌న్ మ్యూజిక్ అందించాడు. అఖిల్‌తో పాటు భాగ్య‌శ్రీ బోర్సే కెరీర్‌లో తొలి హిట్టు మూవీగా లెనిన్ నిలిచింది.

లెనిన్ పోరాటం...

శ్రీ రామాపురానికి చెందిన లెనిన్ (అఖిల్‌) హ‌త్య కేసులో జైలు నుంచి విడుద‌ల‌వుతాడు. అత‌డి కార‌ణంగానే ఊళ్లో జ‌రిగే భార‌తం మిట్ట జాత‌ర ఆగిపోతుంది. ప‌ద్దెనిమిది రోజుల పాటు జ‌రిగే ఆ జాత‌ర‌లో ర‌క్తం నేల చింద‌కూడ‌ద‌ని ఆచారం ఉంటుంది. ఆ జాత‌ర‌లోనే త‌ను ప్రాణంగా ప్రేమించి పెళ్లి చేసుకున్న భార‌తిని లెనిన్ చంపుతాడు? అత‌డు ఎందుకులా చేశాడు? జైలు నుంచి రిలీజైన లెనిన్ త‌న ప్రాణ స్నేహితుడు వ‌సంత్‌తో (ప్ర‌మోద్ పంజు) పాటు అత‌డి చిన్నాన్న య‌తిరాజు (శివాజీ) వెతుక్కుంటూ శ్రీ రామాపురానికి ఎందుకొచ్చాడు? భార‌తికి జ‌రిగిన అన్యాయంపై ఏ విధంగా ప్ర‌తీకారం తీర్చుకున్నాడు అన్న‌దే ఈ మూవీ క‌థ‌.